ആന്ധ്രാപ്രദേശിലെ വിശാഖപട്ടണം സ്റ്റീൽ പ്ലാന്റിലുണ്ടായ പൊട്ടിത്തെറിയിൽ എട്ട് തൊഴിലാളികൾക്ക് ദാരുണാന്ത്യം. തിങ്കളാഴ്ച ഉരുക്കിയ സ്റ്റീൽ കയറ്റിയ ലാഡിൽ പൊട്ടിത്തെറിച്ചാണ് അപകടമുണ്ടായത്. നിരവധി പേർക്ക് പരിക്കേൽക്കുകയും ചെയ്തു.
സ്റ്റീൽ പ്ലാന്റിലെ എസ്എംഎസ്-2, എസ്ടിസി-3 ഹീറ്റ് ഫെസിലിറ്റിയിൽ, വളരെ ഉയർന്ന താപനിലയിൽ സ്റ്റീൽ വഹിച്ചിരുന്ന ലാഡിൽ പൊട്ടിത്തെറിക്കുകയായിരുന്നു. ഇതോടെ വലിയ അളവിൽ ഉരുകിയ സ്റ്റീൽ തൊഴിലാളികളുടെ മേൽ മറിഞ്ഞാണ് അപകടം സംഭവിച്ചത്.
ഉരുകിയ ഇരുമ്പ് ഏകദേശം 1,600 ഡിഗ്രി സെൽഷ്യസിൽ വളരെ ചൂടുള്ളതായിരുന്നുവെന്ന് പോലീസ് വാർത്താ ഏജൻസിയായ പിടിഐയോട് പറഞ്ഞു.
