Fuel Price Mismatch Reasons: ക്രൂഡ് ഓയിൽ വില കുറയുന്നു, പെട്രോളിനും ഡീസലിനും വില കൂടുന്നു; ഈ വൈരുദ്ധ്യത്തിന് പിന്നിലെ കാരണമെന്ത്?
അമേരിക്കയും ഇറാനും തമ്മിലുള്ള സംഘർഷം ലഘൂകരിക്കപ്പെടുമെന്ന പ്രതീക്ഷകളെ തുടർന്നാണ് ആഗോള ക്രൂഡ് ഓയിൽ വിലയിൽ കുറവ് വന്നത്.
ക്രൂഡ് ഓയിൽ വില കുത്തനെ ഉയർന്നപ്പോഴും ആഭ്യന്തര വിപണിയിൽ വില കൂട്ടാതെ പിടിച്ച് നിർത്തിയത് കാരണം എണ്ണക്കമ്പനികൾക്ക് വലിയ നഷ്ടം സംഭവിച്ചിട്ടുണ്ട്
ഇന്ത്യാ ടുഡേ മലയാളം ബിസിനസ് ഡെസ്ക്
- ന്യൂഡൽഹി,
- 25 May 2026,
- (Updated 25 May 2026, 5:11 PM IST)
ഇറാൻ സംഘർഷവുമായി ബന്ധപ്പെട്ട് ആഴ്ചകളോളം നീണ്ടുനിന്ന പ്രക്ഷുബ്ധതകൾക്ക് ശേഷം അന്താരാഷ്ട്ര വിപണിയിൽ ക്രൂഡ് ഓയിലിന്റെ വില 100 ഡോളർ പരിധിക്ക് താഴെയെത്തി. എന്നാൽ ആഗോളതലത്തിൽ എണ്ണവില കുറയുമ്പോഴും, ഇന്ത്യൻ ഉപഭോക്താക്കൾക്ക് പെട്രോൾ, ഡീസൽ വില വർദ്ധനവിൽ ഇപ്പോഴും ആശ്വാസം ലഭിക്കുന്നില്ല. അമേരിക്കയും ഇറാനും തമ്മിലുള്ള സംഘർഷം ലഘൂകരിക്കപ്പെടുമെന്ന പ്രതീക്ഷകളെ തുടർന്നാണ് ആഗോള ക്രൂഡ് ഓയിൽ വിലയിൽ കുറവ് വന്നത്.
ഡബ്ല്യു,ടി,ഐ ക്രൂഡ് ഓയിൽ വില ആറു ശതമാനം (5.80 ഡോളർ) ഇടിഞ്ഞ് ബാരലിന് 90.80 ഡോളറിലും, ബ്രെന്റ് ക്രൂഡ് ഓയിൽ വില 5.64 ശതമാനം (5.84 ഡോളർ) ഇടിഞ്ഞ് ബാരലിന് 97.70 ഡോളറിലുമാണ് ഇപ്പോൾ വ്യാപാരം പുരോഗമിക്കുന്നത്. എന്നാൽ ഇന്ത്യയിൽ 10 ദിവസത്തിനിടെ നാലാം തവണയാണ് പെട്രോളിനും ഡീസലിനും വില വർദ്ധിച്ചത്. ഈ ചുരുങ്ങിയ കാലയളവിൽ മാത്രം പെട്രോൾ വില ലിറ്ററിന് ഏകദേശം 8 രൂപയോളം കൂടി.
