രാജ്യതലസ്ഥാനത്തെ വീണ്ടും ഭീതിയിലാഴ്ത്തിക്കൊണ്ട് കഴിഞ്ഞ 24 മണിക്കൂറിനുള്ളിൽ ഡൽഹിയുടെ വിവിധ ഭാഗങ്ങളിൽ അഞ്ച് കൊലപാതകങ്ങൾ റിപ്പോർട്ട് ചെയ്തു. രോഹിണിയിൽ പ്രായപൂർത്തിയാകാത്ത രണ്ട് കുട്ടികൾ കുത്തേറ്റു മരിച്ച ഇരട്ടക്കൊലപാതകം ഉൾപ്പെടെയുള്ള അതിക്രമങ്ങളാണ് ബുധനാഴ്ച ഡൽഹിയെ നടുക്കിയത്. നഗരത്തിന്റെ സുരക്ഷാ ക്രമീകരണങ്ങളെ ചോദ്യം ചെയ്യുന്ന രീതിയിലുണ്ടായ ഈ തുടർച്ചയായ അക്രമ സംഭവങ്ങളിൽ പോലീസ് വിവിധ സംഘങ്ങളായി തിരിഞ്ഞ് അന്വേഷണം ആരംഭിച്ചിട്ടുണ്ട്.