തെരഞ്ഞെടുപ്പിലെ കനത്ത തോല്വിക്ക് പിന്നാലെ സിപിഐഎം നേതൃത്വത്തിന് എതിരെ പാര്ട്ടി കമ്മിറ്റികളില് രൂക്ഷ വിമർശനം ഉയർന്നിരുന്നു. തിരുവനന്തപുരത്തെ ജില്ലാ നേതൃത്വത്തിനെതിരെയും വിമര്ശനമുയര്ന്നു. യോഗത്തില് മുന് മേയര് ആര്യാ രാജേന്ദ്രനെ വിമര്ശിച്ച് വി ശിവന്കുട്ടി രംഗത്തെത്തി.
മുന് മേയര് എന്ന നിലയിലുള്ള പ്രവര്ത്തനം അവമതിപ്പ് ഉണ്ടാക്കിയെന്നും തെരഞ്ഞെടുപ്പ് സമയത്ത് ആര്യാ രാജേന്ദ്രനെ കാറില് കയറ്റിയപ്പോള് സ്ത്രീകള് അടക്കം എതിര്ത്തെന്നും ശിവന്കുട്ടി പറഞ്ഞു. കാറി തുപ്പുന്നത് പോലെ ആയിരുന്നു സ്ത്രീകളുടെ പ്രതികരണമെന്നും അദ്ദേഹം കൂട്ടിച്ചേര്ത്തു. 1400 വോട്ട് ലീഡ് പ്രതീക്ഷിച്ച ബൂത്തില് അഞ്ച് വോട്ടിന്റെ ലീഡ് മാത്രമാണ് ലഭിച്ചതെന്നും വി ശിവന്കുട്ടി പറഞ്ഞു.
