കൊച്ചി: കുന്നത്തുനാട് മണ്ഡലത്തില് ട്വന്റി 20 പാര്ട്ടിയുടെ ചിഹ്നമായ ചക്ക മുറിച്ച് യുഡിഎഫ് പ്രവര്ത്തകരുടെ ആഘോഷം. എറണാകുളം ജില്ലയിലെ 14 മണ്ഡലങ്ങളിലും യുഡിഎഫ് സ്ഥാനാര്ഥികള് ലീഡ് ഉയര്ത്തിയതോടെ ട്വന്റി 20 സ്ഥാനാര്ഥികളെല്ലാം പരാജയപ്പെട്ടിരിക്കുകയാണ്.
മാത്രമല്ല കേരളത്തിലെ ഒരു സീറ്റിലും ട്വന്റി 20ക്ക് മുന്നിലെത്താനായിട്ടില്ല. ഇതോടെയാണ് ട്വന്റി 20 ആധിപത്യം പുലര്ത്തുന്ന കുന്നത്തുനാട് കോണ്ഗ്രസ് സ്ഥാനാര്ഥിയായ വി.പി. സജീന്ദ്രന്റെ നേതൃത്വത്തില് ചക്ക മുറിച്ച് കോണ്ഗ്രസ് പ്രവര്ത്തകര് ആഘോഷിച്ചത്. ചക്ക എറിഞ്ഞുടച്ച് റീത്ത് വച്ചും പ്രവര്ത്തകര് ആഘോഷിക്കുന്നുണ്ട്.
കുന്നത്തുനാട്ടില് വി.പി. സജീന്ദ്രന് 15812 വോട്ടുകള്ക്കാണ് ലീഡ് ചെയ്യുന്നത്. സിറ്റിംഗ് എംഎല്എയായ പി.വി. ശ്രീനിജന് ആണ് എൽഡിഎഫ് സ്ഥാനാർഥി. ബാബു ദിവാകരനാണ് എന്ഡിഎ സ്ഥാനാര്ഥി. അതേസമയം ട്വന്റി 20 കളത്തിലിറക്കിയ താര സ്ഥാനാര്ഥികളായ അഞ്ജലി നായര്, അഖില് മാരാര്, പ്രോമി കുര്യാക്കോസ് എന്നിവരും പരാജയപ്പെട്ടു.
