കൊച്ചി: ട്രെയിനിലെ ഡിസെബിള്ഡ് കോച്ചില് നിന്നും വയോധികന്റെ മൊബൈല് ഫോണും പണവും കവര്ന്ന കേസിലെ പ്രതി അറസ്റ്റില്. മലപ്പുറം പരപ്പനങ്ങടി പുറക്കല് വീട്ടില് റസല് ജാസി (26) നെയാണ് എറണാകുളം റെയില്വേ പോലീസ് അറസ്റ്റ് ചെയ്തത്
ഈ കഴിഞ്ഞ ബുധനാഴ്ചയായിരുന്നു സംഭവം. കാരക്കല് എക്സ്പ്രസിന്റെ ഡിസെബില്ഡ് കോച്ചില് യാത്ര ചെയ്തിരുന്ന കൊല്ലം സ്വദേശിയുടെ മൊബൈല് ഫോണും 8,000 രൂപയുമാണ് മോഷണം പോയത്.
എറണാകുളത്തു നിന്നും തമിഴ്നാട്ടിലേക്കു ചികിത്സക്ക് പോകാനായി ട്രെയിനിന്റെ ഡിസെബിള്ഡ് കോച്ചില് യാത്ര ചെയ്ത സമയത്തായിരുന്നു സംഭവം. തുടര്ന്ന് സിസിടിവികള് കേന്ദ്രീകരിച്ചു നടത്തിയ അന്വേഷണത്തിലാണ് പ്രതി പിടിയിലായത്. പ്രതിയില് നിന്നും മോഷണ മുതലുകള് കണ്ടെടുത്തു.
