സംസ്ഥാനത്തെ സ്വർണ്ണവിലയിൽ ഇന്ന് നേരിയ വർദ്ധനവ്. മാസത്തിൻ്റെ തുടക്ക ദിവസമായ ഇന്നലെ വൻ ചാഞ്ചാട്ടങ്ങൾക്കാണ് സ്വർണ്ണ വിപണി സാക്ഷ്യം വഹിച്ചത്. രാവിലെ നേരിയ ഇളവ് രേഖപ്പെടുത്തിയ വിലയിൽ പിന്നീട് വൻ ഇടിവാണ് പ്രകടമായത്. ഇതോടെ പവൻ്റെ വില 1.09 ലക്ഷത്തിലേക്ക് താഴ്ന്നിരുന്നു. എന്നാൽ രാത്രിയോടെ വില വീണ്ടും കൂടി 1.10 ലക്ഷത്തിലേക്ക് ഉയരുകയായിരുന്നു. ഇതിന് പിന്നാലെയാണ് ഇന്നത്തെ വർദ്ധനവ്.
ഒരു പവൻ സ്വർണ്ണത്തിന് ഇന്ന് 240 രൂപയാണ് വർദ്ധിച്ചത്. ഇന്നത്തെ പുതുക്കിയ വില പ്രകാരം കേരളത്തിൽ ഒരു പവൻ സ്വർണ്ണത്തിന്റെ വില 1,10,680 രൂപയായി. ഗ്രാമിന് 13,835 രൂപയിലാണ് ഇന്ന് വ്യാപാരം നടക്കുന്നത്. അന്താരാഷ്ട്ര വിപണിയിലെ രാഷ്ട്രീയ മാറ്റങ്ങളും പശ്ചിമേഷ്യൻ സംഘർഷങ്ങളിൽ ഉണ്ടായ നേരിയ അയവുമാണ് സ്വർണ്ണവിലയിലെ വലിയ കുതിപ്പിന് തടയിട്ടതെന്നാണ് സാമ്പത്തിക വിദഗ്ധരുടെ വിലയിരുത്തൽ.
