കൊച്ചി: കാലടി കാഞ്ഞൂരില് പെണ്കുട്ടി പാമ്പ് കടിയേല്ക്കാതെ തലനാരിഴയ്ക്ക് രക്ഷപ്പെട്ടു. രാവിലെ ചെടി നനക്കുമ്പോള് ചെടിച്ചട്ടിയില് നിന്നും പാമ്പ് പുറത്തേക്ക് വരികയായിരുന്നു.
കാഞ്ഞൂര് സ്വദേശിയായ ഡേവിസ് എന്നയാളുടെ വീട്ടിലാണ് സംഭവം. ഡേവിസിന്റെ 11 വയസായ മകള് വെള്ളം നനയ്ക്കുന്നതിനിടെയാണ് ചെടിച്ചട്ടിയില് പാമ്പിനെ കണ്ടത്.
വീടിനോട് ചേര്ന്നുള്ള കാര്പോര്ച്ചിന് സൈഡിലുള്ള ചെടിച്ചട്ടിയില് നിന്നാണ് പാമ്പ് ഇഴഞ്ഞു പോയത്. പാമ്പിനെ കണ്ടയുടന് പെണ്കുട്ടി മറ്റൊരു ഭാഗത്തേക്ക് നീങ്ങിയതിനാല് കടിയേല്ക്കാതെ തലനാരിഴയ്ക്ക് രക്ഷപ്പെടുകയായിരുന്നു. പാമ്പ് ഇഴഞ്ഞു പോയതിനാല് ഏത് പാമ്പാണ് എന്നത് കണ്ടെത്താനായില്ല.
അതേസമയം, കോഴിക്കോട് കല്ലാച്ചിയിലും വിദ്യാര്ഥി പാമ്പ് കടിയേല്ക്കാതെ തലനാരിഴയ്ക്ക് രക്ഷപ്പെട്ട വീഡിയോയും പുറത്തു വന്നിരുന്നു. ഇതിനിടെ സംസ്ഥാനത്ത് വീണ്ടും പാമ്പ് കടിയേറ്റ് മരണം സ്ഥിരീകരിച്ചു. ആലപ്പുഴ കുട്ടനാട്ടിലാണ് ഇന്ദിര (65) എന്ന വീട്ടമ്മ പാമ്പ് കടിയേറ്റ് മരിച്ചത്.
