കൊ​ല്ലം: ക്ഷേ​ത്രോ​ത്സ​വ​ത്തി​നി​ടെ വ​ടി​വാ​ളു​മാ​യി പ​രാ​ക്ര​മം ന​ട​ത്തി​യ യു​വാ​വി​നെ​തി​രെ പോ​ലീ​സ് കേ​സെ​ടു​ത്തു. കു​ണ്ട​റ അം​ബി​പൊ​യ്ക ദേ​വി​ക്ഷേ​ത്ര ഉ​ത്സ​വ​ത്തി​നി​ടെ ന​ട​ന്ന സം​ഭ​വ​ത്തി​ൽ കു​ണ്ട​റ സ്വ​ദേ​ശി അ​ജോ​യ് അ​ശോ​ക​നെ​തി​രെയാണ് കേ​സെ​ടു​ത്തത്.

ത​ന്‍റെ സ​ഹോ​ദ​ര​ൻ മ​രി​ച്ച​തി​നാ​ൽ ഉ​ത്സ​വം ന​ട​ത്ത​രു​തെ​ന്ന് ഇ​യാ​ൾ ആ​വ​ശ്യ​പ്പെ​ട്ടി​രു​ന്നു. തു​ട​ർ​ന്ന് ഇ​യാ​ൾ വ​ടി​വാ​ളു​മാ​യി ആ​ക്ര​മ​ണം ന​ട​ത്തു​ക​യാ​യി​രു​ന്നു. സം​ഭ​വ​ത്തി​ൽ മൂ​ന്നു​പേ​ർ​ക്ക് പ​രി​ക്കേ​റ്റു. ഇ​യാ​ൾ​ക്കൊ​പ്പം മ​റ്റ് ര​ണ്ട് പേ​ർ കൂ​ടി അ​ക്ര​മ​ത്തി​ൽ പ​ങ്കാ​ളി​ക​ളാ​യി​രു​ന്നു.

സം​ഭ​വ​ത്തി​ന് ശേ​ഷം മൂ​ന്ന് പേ​രും സ്ഥ​ല​ത്ത് നി​ന്ന് ര​ക്ഷ​പ്പെ​ട്ടു. ര​ണ്ട് മാ​സം മു​ൻ​പ് അ​ജോ​യ് അ​ശോ​ക​ന്‍റെ സ​ഹോ​ദ​ര​ൻ അ​ക്ഷ​യ് വാ​ഹ​നാ​പ​ക​ട​ത്തി​ൽ മ​രി​ച്ചി​രു​ന്നു. ആ​ക്ര​മ​ണം ന​ട​ക്കു​ന്ന​തി​ന് മു​ൻ​പും ക്ഷേ​ത്ര ക​മ്മി​റ്റി​ക്കാ​രി​ൽ ഒ​രാ​ളു​മാ​യി അ​ജോ​യ് വാ​ക്കു​ത​ർ​ക്ക​ത്തി​ൽ ഏ​ർ​പ്പെ​ട്ടി​രു​ന്നു. സി​സി​ടി​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് പോ​ലീ​സ് അ​ന്വേ​ഷ​ണം ആ​രം​ഭി​ച്ചു.