രാജ്യത്തെ നിയമനിർമ്മാണ സഭകളിൽ സ്ത്രീകൾക്ക് 33 ശതമാനം സംവരണം ഉറപ്പാക്കുന്നതിനുള്ള ഭരണഘടനാ ഭേദഗതി ബിൽ ലോക്സഭയിൽ പരാജയപ്പെട്ടു. വെള്ളിയാഴ്ച നടന്ന വോട്ടെടുപ്പിൽ ബില്ലിന് അനുകൂലമായി 298 വോട്ടുകളും എതിരായി 230 വോട്ടുകളുമാണ് ലഭിച്ചത്. ഭരണഘടന ഭേദഗതി ചെയ്യുന്നതിന് ആവശ്യമായ മൂന്നിൽ രണ്ട് ഭൂരിപക്ഷം (352 വോട്ടുകൾ) ലഭിക്കാതെ പോയതോടെയാണ് ബിൽ തള്ളപ്പെട്ടത്. ബില്ലിന്റെ പരാജയം ഭരണകക്ഷിയായ എൻഡിഎയും ഐക്യ പ്രതിപക്ഷവും തമ്മിലുള്ള തുറന്ന പോരിന് വഴിവെച്ചിരിക്കുകയാണ്.
സമീപകാലത്ത് ആദ്യമായാണ് നിർണ്ണായകമായ ഒരു സർക്കാർ നീക്കത്തെ ഒന്നിച്ച് നിന്ന് തടയാൻ പ്രതിപക്ഷത്തിന് സാധിക്കുന്നത്. ബില്ലിനെ അട്ടിമറിച്ചതിലൂടെ പ്രതിപക്ഷം സ്ത്രീ ശാക്തീകരണത്തെ പിന്നിൽ നിന്ന് കുത്തിയെന്ന് എൻഡിഎ ആരോപിക്കുമ്പോൾ, ഭരണഘടനാ വിരുദ്ധമായ നീക്കത്തെ തടയാനായതിന്റെ ആവേശത്തിലാണ് പ്രതിപക്ഷ നിര.
