2026-ലെ കേരള നിയമസഭാ തിരഞ്ഞെടുപ്പിൻ്റെ പശ്ചാത്തലത്തിൽ, രാഷ്ട്രീയ കേരളം ഏറ്റവും കൂടുതൽ ഉറ്റുനോക്കുന്ന ജില്ലകളിലൊന്നാണ് ആലപ്പുഴ. കായൽ പരപ്പുകളിലെ ഓളങ്ങൾ പോലെ തന്നെ പ്രവചനാതീതമാണ് ഇത്തവണത്തെ ഇവിടുത്തെ രാഷ്ട്രീയ കാലാവസ്ഥയും. നിയമസഭ തിരഞ്ഞെടുപ്പുകളിൽ സ്വതവേ ഇടതുപക്ഷത്തിന് കൈയ്യടക്കമുള്ള ജില്ലയിൽ ഇക്കുറി ഒട്ടേറെ ഘടകങ്ങൾ സ്വാധീനിക്കപ്പെടും.
രാഷ്ട്രീയ ചരിത്രത്തിൽ പോലും സി.പി.എമ്മിന് ഏറെ പ്രാധാന്യമുള്ള ജില്ലയിൽ കോൺഗ്രസിനും സഖ്യകക്ഷികൾക്കും ഇന്ന് ശക്തമായ സ്വാധീനമാണുള്ളത്. സംസ്ഥാനത്തെ തന്നെ മുതിർന്ന നേതാക്കളിലൊരാളായ ജി സുധാകരൻ്റെ രാഷ്ട്രീയ ചുവടുമാറ്റമടക്കം ജില്ലയിൽ ചർച്ചയാക്കപ്പെടുന്ന രാഷ്ട്രീയ സാഹചര്യങ്ങളേറെയാണ്.
