തിരുവനന്തപുരം: സ്വകാര്യ ധനകാര്യ സ്ഥാപനത്തിലുണ്ടായ തീയണയ്ക്കാൻ ശ്രമിക്കുന്നതിനിടെ മൂന്ന് ഫയര്ഫോഴ്സ് ജീവനക്കാര്ക്ക് പരിക്ക്. ശാസ്തമംഗലം അക്ഷയടവറിലെ കണ്ണാട്ട് ഫൈനാന്സ് എന്ന ധനകാര്യ സ്ഥാപനത്തിലാണ് ഇന്ന് പുലർച്ചെ അഞ്ചിന് തീപിടിത്തമുണ്ടായത്.
നാലര ലക്ഷം രൂപയുടെ നാശനഷ്ടമുണ്ടായതായി അധികൃതർ പറഞ്ഞു. ഷോര്ട്ട് സര്ക്യൂട്ടാകാം തീപിടിത്തത്തിന് കാരണമെന്നാണ് പ്രാഥമിക നിഗമനം. തിരുവനന്തപുരം ഫയര്ഫോഴ്സ് യൂണിറ്റിൽ നിന്ന് മൂന്ന് യൂണിറ്റ് എത്തിയാണ് തീയണച്ചത്.



