ബലേൻ ഷായുടെ നേതൃത്വത്തിലുള്ള നേപ്പാളിലെ പുതിയ സർക്കാർ അഴിമതിക്കെതിരെ കർശന നടപടി ആരംഭിച്ചു. മുൻ പ്രധാനമന്ത്രി കെ പി ശർമ്മ ഒലിയുടെയും മുൻ ആഭ്യന്തര മന്ത്രി രമേശ് ലേഖക്കിന്റെയും അറസ്റ്റിന് പിന്നാലെ, നേപ്പാളിലെ സെൻട്രൽ ഇൻവെസ്റ്റിഗേഷൻ ബ്യൂറോ ഞായറാഴ്ച രാവിലെ മുതിർന്ന നേപ്പാളി കോൺഗ്രസ് നേതാവും മുൻ ഊർജ്ജ, ജലവിഭവ, ജലസേചന മന്ത്രിയുമായ ദീപക് ഖഡ്കയെ അറസ്റ്റ് ചെയ്തു.
കാഠ്മണ്ഡുവിലെ അനധികൃത ഭൂമി കൈയേറ്റ കേസുമായി ബന്ധപ്പെട്ടാണ് ഈ നടപടി സ്വീകരിച്ചിരിക്കുന്നതെന്ന് റിപ്പോർട്ട്. കള്ളപ്പണം വെളുപ്പിക്കലിനും ഇയാൾക്കെതിരെ അന്വേഷണം നടക്കുന്നുണ്ട്.
സർക്കാർ ഭൂമിയോ പൊതു ഭൂമിയോ നിയമവിരുദ്ധമായി കൈവശപ്പെടുത്തിയെന്നാണ് ഖഡ്കയ്ക്കെതിരെയുള്ള കുറ്റം. കൂടാതെ, ജനറൽ-ഇസഡ് പ്രതിഷേധത്തിനിടെ അദ്ദേഹത്തിന്റെ വീട്ടിൽ നിന്ന് വലിയൊരു തുക പണം കണ്ടെടുത്തു.
