ന്യൂഡൽഹി: മുൻ കെപിസിസി അധ്യക്ഷൻ കെ.സുധാകരനെ കോൺഗ്രസ് നേതൃത്വം അടിയന്തരമായി ഡൽഹിക്കു വിളിപ്പിച്ചു. വെള്ളിയാഴ്ച രാത്രി 10.30 നാണ് സുധാകരന് ഡൽഹിയിലേക്ക് എത്താനുള്ള നിർദേശം ലഭിച്ചത്.
പുലർച്ചയോടെ അദ്ദേഹം ഡൽഹിയിലേക്ക് തിരിച്ചു. കോൺഗ്രസ് ദേശീയ അധ്യക്ഷന് മല്ലികാര്ജുന് ഖാര്ഗെയുമായി അദ്ദേഹം ഇന്ന് വൈകുന്നേരം കൂടിക്കാഴ്ച നടത്തും. സ്ഥാനാര്ത്ഥിത്വ നിര്ണയവുമായി ബന്ധപ്പെട്ട് അദ്ദേഹം പാര്ട്ടിയോട് ഇടഞ്ഞിരുന്നു.
സുധാകരന് കെപിസിസി അധ്യക്ഷന്റെ താത്കാലിക ചുമതല നൽകിയേക്കുമെന്നും റിപ്പോർട്ടുകളുണ്ട്. നിലവിലെ കെപിസിസി പ്രസിഡന്റ് സണ്ണി ജോസഫ് പേരാവൂരിൽ നിന്ന് മത്സരിക്കുന്നതിനാൽ ചുമതല ഒഴിഞ്ഞേക്കുമെന്ന് സൂചനയുണ്ട്.
