തിരുവനന്തപുരം: വാമനപുരത്തെ എല്ഡിഎഫ് സ്ഥാനാര്ഥി ഡി.കെ. മുരളി ജയിക്കുമെന്ന് ഫേസ്ബുക്കിൽ കമന്റിട്ട പോലീസുകാരനെ സസ്പെൻഡു ചെയ്തു. പാങ്ങോട് സ്റ്റേഷനിലെ സിപിഒ വൈശാഖന് സതീശനെയാണ് സസ്പെന്ഡ് ചെയ്തത്.
തിരുവനന്തപുരം റൂറല് പോലീസ് മേധാവിയുടേതാണ് നടപടി. ഒരു മാധ്യമത്തിന്റെ വാമനപുരം ഇത്തവണ ആര്ക്കൊപ്പം എന്ന തലക്കെട്ടോടുകൂടിയ പോസ്റ്റിനാണ് വൈശാഖന് കമന്റിട്ടത്.
ഇത് സര്ക്കാര് ഉദ്യോഗസ്ഥരുടെ പെരുമാറ്റ ചട്ടങ്ങളുടെ ലംഘനമെന്നാണ് സസ്പെന്ഷന് ഉത്തരവില് പറയുന്നു. വൈശാഖന്റെ പ്രവർത്തി സേനയ്ക്ക് അവമതിപ്പും കളങ്കവും ഉണ്ടാക്കിയെന്നും എസ്പി പറഞ്ഞു.
