രാജ്യത്തെ കോടിക്കണക്കിന് വീടുകളിലെ പാചകരീതിയിൽ വിപ്ലവകരമായ മാറ്റം വരുത്തിക്കൊണ്ട്, എൽപിജി സിലിണ്ടറുകളിൽ നിന്ന് പൈപ്പ്ഡ് നാച്ചുറൽ ഗ്യാസിലേക്ക് (PNG) മാറാൻ കേന്ദ്ര സർക്കാർ ഉത്തരവിട്ടു. പിഎൻജി സൗകര്യം ലഭ്യമായ പ്രദേശങ്ങളിൽ വസിക്കുന്നവർക്ക് പുതിയ കണക്ഷനിലേക്ക് മാറാൻ മൂന്ന് മാസത്തെ സമയം അനുവദിക്കും.
ഇതിനായി അറിയിപ്പ് ലഭിച്ചിട്ടും നിശ്ചിത സമയത്തിനകം മാറിയില്ലെങ്കിൽ എൽപിജി വിതരണം നിർത്തലാക്കുമെന്നും മാർച്ച് 24-ന് പുറത്തിറക്കിയ ഉത്തരവിൽ വ്യക്തമാക്കുന്നു. പശ്ചിമേഷ്യയിലെ നിലവിലെ ഊർജ്ജ പ്രതിസന്ധി കണക്കിലെടുത്താണ് ഗവൺമെന്റ് ഈ കർശന നടപടി സ്വീകരിച്ചിരിക്കുന്നത്.
