ഒരു നഗരത്തിന്റെയോ പ്രദേശത്തിൻ്റെയോ സാമ്പത്തിക ഭാഗധേയം നിർണ്ണയിക്കുന്നതിൽ ചരിത്രപരമായി തന്നെ തുറമുഖങ്ങൾ വലിയ പങ്കുവഹിച്ചിട്ടുണ്ട്. ഇന്ത്യയെ സംബന്ധിച്ചിടത്തോളം വ്യാപാരത്തിന്റെ 95 ശതമാനവും സമുദ്രപാതകളിലൂടെയാണ് നടക്കുന്നത്. അതിനാൽ തന്നെ മാരിടൈം ഇൻഫ്രാസ്ട്രക്ചർ വ്യവസായ വളർച്ചയുമായും തൊഴിലവസരങ്ങളുമായും നേരിട്ട് ബന്ധപ്പെട്ടിരിക്കുന്നു.
തുറമുഖങ്ങളും വ്യവസായങ്ങളും തമ്മിൽ ശക്തമായ ബന്ധം സ്ഥാപിച്ചിട്ടുള്ള നഗരങ്ങൾ ഇന്ത്യയിൽ വലിയ സാമ്പത്തിക കേന്ദ്രങ്ങളായി മാറിയതായി കാണാം. തുറമുഖ കേന്ദ്രീകൃതമായ വ്യവസായങ്ങൾ ചെറുകിട ബിസിനസ്സുകളെയും അനുബന്ധ വ്യവസായങ്ങളെയും പിന്തുണയ്ക്കുന്നതിലൂടെ വലിയ തോതിൽ തൊഴിലവസരങ്ങൾ സൃഷ്ടിക്കുന്നു.
