തമിഴ്നാട്ടിലെ തിരുച്ചിറപ്പള്ളിയിൽ (ട്രിച്ചി) നടന്ന ചടങ്ങിൽ പ്രധാനമന്ത്രി നരേന്ദ്ര മോദി 5,650 കോടി രൂപയുടെ വിവിധ വികസന പദ്ധതികൾ ഉദ്ഘാടനം ചെയ്യുകയും തറക്കല്ലിടുകയും ചെയ്തു. പരമ്പരാഗത തമിഴ് വേഷമായ ഷർട്ടും മുണ്ടും ധരിച്ചെത്തിയ പ്രധാനമന്ത്രി, ഈ പദ്ധതികൾ തമിഴ്നാട്ടിലെ യുവാക്കൾക്ക് ആയിരക്കണക്കിന് തൊഴിലവസരങ്ങൾ സൃഷ്ടിക്കുമെന്ന് പറഞ്ഞു.
റെയിൽവേ, ദേശീയപാതകൾ, ശുദ്ധ ഊർജ്ജം, പെട്രോളിയം തുടങ്ങിയ മേഖലകളിലെ അടിസ്ഥാന സൗകര്യ വികസനത്തിനാണ് മുൻഗണന നൽകിയിരിക്കുന്നത്. തമിഴ്നാടിന്റെ ഭാവിക്ക് ഈ പദ്ധതികൾ നിർണ്ണായകമാണെന്ന് അദ്ദേഹം കൂട്ടിച്ചേർത്തു.
