സംസ്ഥാനത്തെ സ്വർണ്ണവിലയിൽ വീണ്ടും വർദ്ധനവ് രേഖപ്പെടുത്തി. കഴിഞ്ഞ ദിവസം രേഖപ്പെടുത്തിയ വമ്പൻ ഇടിവിന് പിന്നാലെയാണ് ഇന്ന് വില ഉയർന്നത്. ഒരു പവൻ സ്വർണ്ണത്തിന് ഇന്ന് 560 രൂപ വർദ്ധിച്ച് 1,19,080 രൂപയിലെത്തി. ഗ്രാമിന് 65 രൂപ ഉയർന്ന് 14,885 രൂപയിലാണ് ഇന്ന് വ്യാപാരം നടക്കുന്നത്.
പശ്ചിമേഷ്യയിലെ യുദ്ധസാഹചര്യം വഷളാകുന്നതും ആഗോള വിപണിയിലെ അനിശ്ചിതത്വവുമാണ് സ്വർണ്ണവില വീണ്ടും ഉയരാൻ കാരണമായത്. മാർച്ച് ഒന്നിന് പവൻ വില 1.26 ലക്ഷം കടന്ന് റെക്കോർഡ് ഇട്ടതിന് ശേഷം വിപണിയിൽ പ്രകടമായ തിരുത്തലുകൾക്ക് പിന്നാലെയാണ് ഈ പുതിയ കുതിപ്പ്.
