ആലപ്പുഴ: പെരുമ്പളം ദ്വീപ് നിവാസികളുടെ യാത്രാ ദുരിതത്തിന് വിരാമമാകുന്നു. വേമ്പനാട് കായലിന് കുറുകെ ഒരുകിലോമീറ്ററിലേറെ നീളത്തില് നിര്മിച്ച പാലം ഇന്ന് രാവിലെ 11 ന് മുഖ്യമന്ത്രി പിണറായി വിജയന് നാടിന് സമര്പ്പിക്കും.
2016-17 സംസ്ഥാന ബജറ്റില് ഉള്പ്പെടുത്തി കിഫ്ബിയുടെ സാമ്പത്തിക സഹായത്തോടെ 100 കോടി രൂപ ചെലവഴിച്ചാണ് പാലം നിര്മിച്ചത്. പൊതുമരാമത്ത് വകുപ്പ് കെആര്എഫ്ബി വിഭാഗത്തിനായിരുന്നു നിര്മാണ ചുമതല. കായലിനാല് ചുറ്റപ്പെട്ട പെരുമ്പളം പഞ്ചായത്തിനെ പടിഞ്ഞാറേക്കരയുമായി ബന്ധിപ്പിക്കുന്നതാണ് പാലം.
ദേശീയ ജലപാത കടന്നുപോകുന്നയിടത്ത് തൂണുകള് ഒഴിവാക്കാന് ബോസ്ട്രിംഗ് ആര്ച്ച് മാതൃകയിലാണ് പാലം നിർമിച്ചത്. പാലം തുറക്കുന്നതോടെ കെഎസ്ആർടിസി ബസുകൾ ദ്വീപിലേക്ക് എത്തും.
