സംസ്ഥാനത്തെ സ്വർണ്ണവിലയിൽ ഇന്ന് ഉപഭോക്താക്കൾക്ക് വൻ ആശ്വാസം. പശ്ചിമേഷ്യയിലെ യുദ്ധഭീതിയും ആഗോള ആശങ്കകളും നിലനിൽക്കുന്നതിനിടയിലും സ്വർണ്ണവിലയിൽ വലിയ ഇടിവാണ് രേഖപ്പെടുത്തിയിരിക്കുന്നത്. കഴിഞ്ഞ കുറച്ച് ദിവസങ്ങളായി ഉയർന്ന നിലവാരത്തിൽ തുടർന്ന സ്വർണ്ണവില താഴേക്ക് വന്നത് വിപണിയിൽ വലിയ ചലനമുണ്ടാക്കിയിട്ടുണ്ട്.
ഇന്ന് ഒരു പവൻ സ്വർണ്ണത്തിന് 560 രൂപയാണ് കുറഞ്ഞത്. ഇതോടെ ഈ മാസത്തെ ഏറ്റവും താഴ്ന്ന നിരക്കിലാണ് ഇന്ന് വ്യാപാരം നടക്കുന്നത്. 1,18,880 രൂപയാണ് ഒരു പവൻ സ്വർണ്ണത്തിന് ഇന്ന് നൽകേണ്ടത്. ഒരു ഗ്രാം സ്വർണ്ണത്തിന് 14,860 രൂപ എന്ന നിരക്കിലാണ് ഇന്ന് വ്യാപാരം പുരോഗമിക്കുന്നത്. മാർച്ച് മാസത്തിന്റെ തുടക്കത്തിൽ പവൻ വില 1.26 ലക്ഷം രൂപയിലേക്ക് കടന്നിരുന്നുവെങ്കിലും നിലവിലെ ഇടിവ് സാധാരണക്കാർക്ക് ആശ്വാസമാകുന്നു.
