കൊച്ചി: സംവിധായകന് ചിദംബരത്തിനെതിരെ ലൈംഗികാതിക്രമ കേസില് പരാതി നല്കിയ യുവനടിയുടെ രഹസ്യമൊഴി ഉടന് രേഖപ്പെടുത്തും. നിലവില് വിദേശത്തുള്ള യുവതി രണ്ട് ദിവസത്തിനുള്ളില് നാട്ടിലെത്തും. ഇതിനു ശേഷം മജിസ്ട്രേറ്റിനു മുന്നില് ഹാജരായി രഹസ്യമൊഴി നല്കും.
അതിനുശേഷം ചിദംബരത്തിനെ ചോദ്യം ചെയ്യാനുള്ള നീക്കത്തിലാണ് എറണാകുളം സൗത്ത് പോലീസ്. തുടര്ന്ന് അറസ്റ്റ് ഉള്പ്പെടെയുള്ള നടപടികളിലേയ്ക്ക് കടക്കുമെന്നാണ് സൂചന.
യുവനടിയുടെ പരാതിയില് എറണാകുളം സൗത്ത് പോലീസാണ് കഴിഞ്ഞ ദിവസം സംവിധായകന് ചിദംബരത്തിനെതിരെ കേസെടുത്തത്. 2022 ലാണ് കേസിനാസ്പദമായ സംഭവം. എളംകുളത്തെ ഫ്ളാറ്റില് അതിക്രമിച്ചുകയറിയ ചിദംബരം ലൈംഗിക ഉദ്ദേശ്യത്തോടെ പെരുമാറിയെന്നാണ് പരാതിക്കാരി സൗത്ത് പോലീസിന് നല്കിയ മൊഴി.
സ്ത്രീത്വത്തെ അപമാനിക്കല്, ലൈംഗികാധിക്ഷേപം എന്നീ വകുപ്പുകള് ചുമത്തിയാണ് കേസെടുത്തിരിക്കുന്നത്. നടി കഴിഞ്ഞയാഴ്ചയാണ് പരാതി നല്കിയത്. മഞ്ഞുമ്മല് ബോയ്സ്, ജാന് എ മന് എന്നീ ഹിറ്റ് ചിത്രങ്ങളുടെ സംവിധായകനാണ് ചിദംബരം.
