ഇറാന്റെ സർവ്വശക്തമായ ഇസ്ലാമിക് റെവല്യൂഷണറി ഗാർഡ് കോർപ്സ് (ഐആർജിസി) ഹോർമുസ് കടലിടുക്ക് ഷിപ്പിംഗ് ഗതാഗതത്തിനായി അടച്ചു. തന്ത്രപ്രധാനമായ ജലപാതയിലൂടെ കടന്നുപോകാൻ ശ്രമിക്കുന്ന ഏതൊരു കപ്പലിനും തീയിടുമെന്നും മുന്നറിയിപ്പ് നൽകിയാണ് സംഘർഷത്തിൻ്റെ നാലാം ദനത്തിലേയ്ക്ക് ഇറാൻ കടക്കുന്നത്.
ഒരു വശത്ത് ഇറാനും മറുവശത്ത് ഇസ്രായേലും യുഎസും തമ്മിലുള്ള സായുധ പോരാട്ടത്തിലെ ഏറ്റവും പ്രധാനപ്പെട്ട ഭൗമരാഷ്ട്രീയ വർദ്ധനവുകളിലൊന്നാണ് ഈ പ്രഖ്യാപനം.
ഗാർഡ്സ് കമാൻഡർ-ഇൻ-ചീഫിന്റെ മുതിർന്ന ഉപദേഷ്ടാവായ ബ്രിഗേഡിയർ ജനറൽ സർദാർ ഇബ്രാഹിം ജബാരിയാണ് അടച്ചുപൂട്ടൽ പ്രഖ്യാപിച്ചത്. “(ഹോർമുസ് കടലിടുക്ക്) അടച്ചിരിക്കുന്നു. ആരെങ്കിലും കടന്നുപോകാൻ ശ്രമിച്ചാൽ, റെവല്യൂഷണറി ഗാർഡുകളുടെയും സാധാരണ നാവികസേനയുടെയും വീരന്മാർ ആ കപ്പലുകൾക്ക് തീയിടും,” ജബ്ബാരി കൂട്ടിച്ചേർത്തു.
