ഇൻസ്റ്റാഗ്രാമിൽ പത്ത് കോടി (100 മില്യൺ) ഫോളോവേഴ്സ് എന്ന ചരിത്ര നാഴികക്കല്ല് പിന്നിട്ട് പ്രധാനമന്ത്രി നരേന്ദ്ര മോദി. മെറ്റയുടെ ഉടമസ്ഥതയിലുള്ള ഈ പ്ലാറ്റ്ഫോമിൽ ഈ നേട്ടം കൈവരിക്കുന്ന ലോകത്തിലെ ആദ്യത്തെ രാഷ്ട്രീയ നേതാവും ലോക നേതാവുമായി നരേന്ദ്ര മോദി മാറി. വ്യാഴാഴ്ചയാണ് ഈ അപൂർവ്വ നേട്ടം അദ്ദേഹം സ്വന്തമാക്കിയത്.
2014-ലാണ് പ്രധാനമന്ത്രി ഇൻസ്റ്റാഗ്രാമിൽ ഔദ്യോഗികമായി ചേർന്നത്. അതേ വർഷം തന്നെയാണ് എൻഡിഎ സഖ്യം വലിയ ഭൂരിപക്ഷത്തോടെ അധികാരത്തിൽ വന്നതും. കഴിഞ്ഞ 12 വർഷത്തിനിടെ ദശലക്ഷക്കണക്കിന് ആളുകളാണ് അദ്ദേഹത്തിന്റെ ഇൻസ്റ്റാഗ്രാം അക്കൗണ്ടിലേക്ക് എത്തിയത്. ലോകത്തിൽ തന്നെ ഏറ്റവും കൂടുതൽ ആളുകൾ സന്ദർശിക്കുകയും പ്രതികരിക്കുകയും ചെയ്യുന്ന സോഷ്യൽ മീഡിയ അക്കൗണ്ടുകളിൽ ഒന്നായി ഇത് മാറിയിരിക്കുകയാണ്.
