തിരുവനന്തപുരം: പാപ്പനംകോടിന് സമീപം സ്കൂട്ടറിന്റെ ഹാൻഡിലിൽ ബസ് തട്ടിയതിനെത്തുടർന്നുണ്ടായ അപകടത്തിൽ സ്കൂട്ടർ യാത്രികയ്ക്ക് ദാരുണാന്ത്യം. കരമന തളിയല് എസ്എംആര്വി.ലെയ്ന് ദേവികൃപയില് വിജി (53) ആണ് മരിച്ചത്.
കരമന-കളിയിക്കാവിള ദേശീയ പാതയില് തുലവിളയില് ആയിരുന്നു സംഭവം. സ്കൂട്ടര് ഓടിച്ചിരുന്ന കൂട്ടുകാരി രാജിക്ക് ഗുരുതരമായി പരിക്കേറ്റു. കഴിഞ്ഞ ദിവസം ഉച്ചയ്ക്കാണ് അപകടമുണ്ടായത്.
നെയ്യാറ്റിന്കര ഭാഗത്ത് നിന്നും തമ്പാനൂര് ഭാഗത്തേയ്ക്ക് വന്ന ബസ് തട്ടിയാണ് അതേ ദിശയില് സഞ്ചരിച്ചിരുന്ന സ്കൂട്ടര് മറിഞ്ഞത്. സ്കൂട്ടറിന് പുറകിലിരുന്ന വിജി മറിഞ്ഞ് ബസിന്റെ പിന്നിലെ ചക്രങ്ങള്ക്കടിയില്പ്പെടുകയായിരുന്നു. അപകടത്തിന് പിന്നാലെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
