തിരുവനന്തപുരം: വാടകവീട് കേന്ദ്രീകരിച്ച് മയക്കുമരുന്ന് വിൽപ്പന നടത്തിയ മൂന്നു യുവാക്കളെ ഡാൻസാഫ് സംഘം പിടികൂടി. ആറ്റിങ്ങൽ കിഴിവിലം പറയത്തുകോണം സമീറാമന്സിലില് മൻസീർ (38), പെരുംകുളം മാളവികപൊയ്ക സല്മാന് മന്സിലില് സൽമാൻ (27), മണ്ണാത്തിമൂല വിളയില്പടിക്കല് വീട്ടില് രാജ്മോൻ (37) എന്നിവരാണ് പിടിയിലായത്.
ഇവർ കല്ലമ്പലം തോട്ടയ്ക്കാട് കേന്ദ്രീകരിച്ച് മയക്കുമരുന്ന് വിൽപ്പന നടത്തുന്നതായി പോലീസിന് വിവരം ലഭിച്ചിരുന്നു. തുടർന്ന് ഇവരുടെ വീടിന് സമീപത്തേക്കെത്തിയ വാഹനം പരിശോധിച്ചപ്പോഴാണ് അഞ്ച് ഗ്രാം എംഡിഎംഎ കണ്ടെടുത്തത്.
അറസ്റ്റിലായ മൂന്നുപേരും നിരവധി ക്രിമിനൽ കേസുകളിൽ പ്രതികളാണെന്ന് പോലീസ് പറഞ്ഞു. പ്രതികളെ വിശദമായി ചോദ്യം ചെയ്തുവരുകയാണ്.
