സംസ്ഥാനത്തെ സ്വർണ്ണവിലയിൽ ഇന്ന് ഉപഭോക്താക്കൾക്ക് ആശ്വാസം നൽകുന്ന വാർത്തയാണ് പുറത്തുവരുന്നത്. ഇന്നലെ വിപണിയിൽ പ്രകടമായ വലിയ വില വർദ്ധനവിന് പിന്നാലെ ഇന്ന് വിലയിൽ ഇടിവ് രേഖപ്പെടുത്തി. ഒരു പവൻ സ്വർണ്ണത്തിന് ഇന്ന് 800 രൂപയാണ് കുറഞ്ഞത്.
ഇതോടെ വിപണിയിൽ ഒരു പവൻ സ്വർണ്ണത്തിന്റെ വില 1,14,520 രൂപയായി താഴ്ന്നു. ഗ്രാമിന് 100 രൂപയുടെ കുറവാണ് രേഖപ്പെടുത്തിയിരിക്കുന്നത്. ഇതോടെ ഒരു ഗ്രാം സ്വർണ്ണത്തിന് 14,315 രൂപ എന്ന നിരക്കിലാണ് വ്യാപാരം നടക്കുന്നത്. ആഭരണം വാങ്ങാൻ ആഗ്രഹിക്കുന്നവർക്കും നിക്ഷേപകർക്കും ഒരുപോലെ ആശ്വാസം നൽകുന്നതാണ് ഇന്നത്തെ വിലയിടിവ്.
