യുദ്ധത്തിൽ കൊല്ലപ്പെട്ട യുക്രെയ്ൻ കായികതാരങ്ങളുടെ ചിത്രങ്ങൾ പതിച്ച ഹെൽമെറ്റ് ധരിക്കുന്നതിൽ നിന്ന് പിന്തിരിയണമെന്ന അന്താരാഷ്ട്ര ഒളിമ്പിക് കമ്മിറ്റിയുടെ (IOC) നിർദ്ദേശം തള്ളി യുക്രെയ്ൻ സ്കെലറ്റൺ താരം വ്ലാഡിസ്ലാവ് ഹെരാസ്കെവിച്ച്. ഹെൽമെറ്റ് ധരിക്കുന്നത് കായികരംഗത്തെ രാഷ്ട്രീയ നിഷ്പക്ഷതയ്ക്ക് വിരുദ്ധമാണെന്ന് ഐഒസി ചൂണ്ടിക്കാട്ടിയെങ്കിലും, തീരുമാനത്തിൽ നിന്ന് പിന്നോട്ടില്ലെന്ന് 27-കാരനായ താരം സിഎൻഎന്നിനോട് വ്യക്തമാക്കി.
കായികത്തേക്കാൾ വലുതാണ് മറ്റ് ചില കാര്യങ്ങളെന്ന് ഹെരാസ്കെവിച്ച് പറഞ്ഞു. “ആ കായികതാരങ്ങളുടെ ത്യാഗം കൊണ്ടാണ് എനിക്ക് ഇന്ന് ഇവിടെ ഒളിമ്പിക്സിൽ പങ്കെടുക്കാൻ കഴിയുന്നത്. അവരെ ആദരിക്കേണ്ടത് എന്റെ കടമയാണ്. ഐഒസി ആ കായികതാരങ്ങളെ വഞ്ചിച്ചാലും, ഞാൻ അവരെ വഞ്ചിക്കില്ല,” ഹെരാസ്കെവിച്ച് വ്യക്തമാക്കി.
ഹെൽമെറ്റിൽ ആ ഏഴുപേർ
വെള്ളിയാഴ്ച നടന്ന പരിശീലന സെഷനിലും ഹെരാസ്കെവിച്ച് ഇതേ ഹെൽമെറ്റ് തന്നെയാണ് ധരിച്ചിരുന്നത്. യുദ്ധത്തിൽ ജീവൻ നഷ്ടപ്പെട്ട ഏഴ് ഉക്രേനിയൻ കായികതാരങ്ങളുടെ ചിത്രങ്ങളാണ് ഇതിലുള്ളത്:
