സംസ്ഥാനത്തെ സ്വർണവിലയിൽ ഇന്ന് ആശ്വാസ ദിനം. ഇന്നലെ പവന് 1,640 രൂപ വർദ്ധിച്ച് കുതിച്ചുയർന്ന സ്വർണ്ണവിലയിൽ ഇന്ന് മാറ്റമില്ലാതെ തുടരുന്നു. ഇന്നലെ രാവിലെ വലിയ കുതിപ്പുണ്ടായ വിപണിയിൽ വൈകുന്നേരത്തോടെ നേരിയ കുറവ് രേഖപ്പെടുത്തിയിരുന്നു. ഇതിന് പിന്നാലെയാണ് ഇന്ന് ഇതേ നിരക്കിൽ വ്യാപാരം നടക്കുന്നത്.
1,15,800 രൂപയാണ് ഒരു പവൻ സ്വർണത്തിന് ഇന്ന് നൽകേണ്ടത്. 14,475 രൂപയാണ് ഇന്ന് ഒരു ഗ്രാം സ്വർണത്തിന് നൽകേണ്ട നിരക്ക്. സ്വർണവില വീണ്ടും പഴയ റെക്കോർഡ് നിരക്കുകളിലേക്ക് തിരിച്ചെത്തുമോ എന്നാണ് ആഭരണം വാങ്ങാനായി കാത്തിരിക്കുന്നവരുടെ പ്രധാന ആശങ്ക.
ഫെബ്രുവരി മാസത്തിന്റെ തുടക്കത്തിൽ സ്വർണ്ണവിലയിൽ വലിയ ഇടിവ് രേഖപ്പെടുത്തിയിരുന്നു. ഫെബ്രുവരി 2-ന് പവൻ വില 1.10 ലക്ഷത്തിന് താഴെ (1,07,920 രൂപ) എത്തി ഈ മാസത്തെ ഏറ്റവും കുറഞ്ഞ നിരക്ക് രേഖപ്പെടുത്തി. എന്നാൽ പിന്നീട് വിപണി തിരിച്ചു കയറുന്ന കാഴ്ചയാണ് കണ്ടത്. ജനുവരി അവസാന വാരം സ്വർണ്ണവില പവന് 1.30 ലക്ഷം രൂപ കടന്ന് റെക്കോർഡ് ഇട്ടിരുന്നു. ആ പഴയ നിരക്കിലേക്ക് വിപണി വീണ്ടും നീങ്ങുമോ എന്നതാണ് ഇപ്പോൾ ഉപഭോക്താക്കളെ ആശങ്കപ്പെടുത്തുന്നത്.
വിവാഹ സീസണും വിപണിയും
വിവാഹ സീസൺ തുടരുന്ന സാഹചര്യത്തിൽ വിലയിലുണ്ടാകുന്ന ഈ അപ്രതീക്ഷിത വർദ്ധനവ് സാധാരണക്കാർക്ക് വലിയ വെല്ലുവിളിയാണ്. ഇന്നത്തെ വിലയനുസരിച്ച് പണിക്കൂലിയും ജിഎസ്ടിയും ചേർത്ത് ഒരു പവൻ ആഭരണം വാങ്ങാൻ ഏകദേശം 1.30 ലക്ഷത്തിന് മുകളിൽ നൽകേണ്ടി വരും. അന്താരാഷ്ട്ര തലത്തിൽ ഭൗമരാഷ്ട്രീയ സംഘർഷങ്ങൾ നിലനിൽക്കുന്നതും സാമ്പത്തിക നയങ്ങളിലെ അവ്യക്തതയും സ്വർണ്ണവിലയിൽ വരും ദിവസങ്ങളിലും വലിയ ചാഞ്ചാട്ടങ്ങൾക്ക് വഴിതെളിച്ചേക്കാം.
നിക്ഷേപകർക്കുള്ള നിർദ്ദേശങ്ങൾ
സ്വർണ്ണവിലയിൽ സ്ഥിരതയില്ലാത്ത സാഹചര്യമായതിനാൽ ഇപ്പോൾ സ്വർണ്ണം വാങ്ങുന്നവർ കൃത്യമായ വിപണി വിശകലനം നടത്തേണ്ടതുണ്ട്. നിക്ഷേപമെന്ന നിലയിൽ സ്വർണ്ണത്തെ കാണുന്നവർ ഡിജിറ്റൽ ഗോൾഡ് അല്ലെങ്കിൽ ഗോൾഡ് ഇടിഎഫ് (ETF) പോലുള്ള മാർഗ്ഗങ്ങൾ പരിഗണിക്കുന്നത് റിസ്ക് കുറയ്ക്കാൻ സഹായിക്കും.
ആഭരണങ്ങൾ വാങ്ങുന്നവർ ബിഐഎസ് ഹാൾമാർക്കിംഗ് (HUID) ഉള്ള സ്വർണ്ണം മാത്രം വാങ്ങുന്നുണ്ടെന്ന് ഉറപ്പുവരുത്തുക. ആഗോള വിപണിയിലെ ട്രെൻഡുകൾ അനുസരിച്ച് വിലയിൽ പെട്ടെന്നുള്ള മാറ്റങ്ങൾ വരാൻ സാധ്യതയുള്ളതിനാൽ ജാഗ്രതയോടെയുള്ള ഇടപെടലുകളാണ് ഇപ്പോഴത്തെ സാഹചര്യത്തിൽ ഉചിതം.
ഫെബ്രുവരി മാസത്തെ സ്വർണവില (പവനിൽ)
ഫെബ്രുവരി 01: 1,17,760
ഫെബ്രുവരി 02: 1,11,120 (രാവിലെ)
ഫെബ്രുവരി 02: 1,09,920 (വൈകുന്നേരം)
ഫെബ്രുവരി 02: 1,12,320 (രാത്രി)
ഫെബ്രുവരി 03: 1,11,280 (രാവിലെ)
ഫെബ്രുവരി 03: 1,12,880 (വൈകുന്നേരം)
ഫെബ്രുവരി 04: 1,17,720 (രാവിലെ)
ഫെബ്രുവരി 04: 1,16,920 (വൈകുന്നേരം)
ഫെബ്രുവരി 05: 1,13,240
ഫെബ്രുവരി 06: 1,11,720 (രാവിലെ)
ഫെബ്രുവരി 06: 1,12,720 (വൈകുന്നേരം)
ഫെബ്രുവരി 07: 1,14,840
ഫെബ്രുവരി 08: 1,14,840
ഫെബ്രുവരി 09: 1,16,480 (രാവിലെ)
ഫെബ്രുവരി 09: 1,15,800 (വൈകുന്നേരം)
