ബ​ലൂ​ചി​സ്ഥാ​ൻ ആ​ക്ര​മ​ണം: പാ​ക് ആ​രോ​പ​ണ​ങ്ങ​ൾ ത​ള്ളി ഇ​ന്ത്യ

ന്യൂ​ഡ​ൽ​ഹി: ബ​ലൂ​ചി​സ്ഥാ​നി​ൽ ഡ​സ​ൻ ക​ണ​ക്കി​ന് ആ​ളു​ക​ളു​ടെ മ​ര​ണ​ത്തി​നി​ട​യാ​ക്കി​യ ഭീ​ക​രാ​ക്ര​മ​ണ​ങ്ങ​ൾ​ക്കു പി​ന്നി​ൽ ഇ​ന്ത്യ​യാ​ണെ​ന്ന പാ​ക്കി​സ്ഥാ​ന്‍റെ ആ​രോ​പ​ണം ത​ള്ളി വി​ദേ​ശ​കാ​ര്യ മ​ന്ത്രാ​ല​യം. പാക്കി​സ്ഥാ​ന്‍റെ ആ​രോ​പ​ണ​ങ്ങ​ൾ അ​ടി​സ്ഥാ​ന​ര​ഹി​ത​മാ​ണെ​ന്നും സ്വ​ന്തം ആ​ഭ്യ​ന്ത​ര പ​രാ​ജ​യ​ങ്ങ​ളി​ൽനിന്നു ശ്ര​ദ്ധ തി​രി​ക്കാ​നാ​ണ് ഇസ്‌ലാ​മാ​ബാ​ദ് ശ്ര​മി​ക്കു​ന്ന​തെ​ന്നും ഇ​ന്ത്യ ചൂണ്ടിക്കാട്ടി.
പാ​ക് സൈ​ന്യ​വും ആ​ഭ്യ​ന്ത​രമ​ന്ത്രി മു​ഹ്സി​ൻ ന​ഖ്‌​വി​യും ഉ​ന്ന​യി​ച്ച ആ​രോ​പ​ണ​ങ്ങ​ൾ​ക്കു മ​റു​പ​ടി​യാ​യി വി​ദേ​ശ​കാ​ര്യ മ​ന്ത്രാ​ല​യ വ​ക്താ​വ് ര​ൺ​ധീ​ർ ജ​യ്‌​സ്വാ​ൾ ആ​ണ് ഇ​ന്ത്യ​യു​ടെ നി​ല​പാ​ട് വ്യ​ക്ത​മാ​ക്കി​യ​ത്.
അ​ടി​സ്ഥാ​ന​ര​ഹി​ത​മാ​യ ആ​രോ​പ​ണ​ങ്ങ​ളാണ് പാക്കിസ്ഥാൻ നടത്തുന്നതെന്ന് ജയ്സ്വാൾ പറഞ്ഞു. ഓ​രോ ത​വ​ണ അ​ക്ര​മസം​ഭ​വ​ങ്ങ​ൾ അരങ്ങേറുമ്പോഴും ഇ​ന്ത്യ​യെ കു​റ്റ​പ്പെ​ടു​ത്തു​ന്ന​ത് പാക്കി​സ്ഥാ​ന്‍റെ സ്ഥി​രം ത​ന്ത്ര​മാ​ണെ​ന്ന് അദ്ദേഹം കു​റ്റ​പ്പെ​ടു​ത്തി.
ബ​ലൂ​ചി​സ്ഥാ​നി​ലെ ജ​ന​ങ്ങ​ളു​ടെ ന്യാ​യ​മാ​യ ആ​വ​ശ്യ​ങ്ങ​ൾ പ​രി​ഗ​ണി​ക്കു​ന്ന​തി​നു പ​ക​രം, അ​വി​ടെ ന​ട​ക്കു​ന്ന മ​നു​ഷ്യാ​വ​കാ​ശ ലം​ഘ​ന​ങ്ങ​ളും അ​ടി​ച്ച​മ​ർ​ത്ത​ലു​ക​ളും മ​റ​ച്ചുവയ്ക്കാനാണ് പാ​ക്കി​സ്ഥാ​ൻ ശ്ര​മി​ക്കു​ന്ന​ത്. സ്വ​ന്തം രാ​ജ്യ​ത്തെ ക്ര​മ​സ​മാ​ധാ​ന നി​ല പാ​ലി​ക്കു​ന്ന​തി​ലു​ണ്ടാ​യ പ​രാ​ജ​യം മ​റ​യ്ക്കാ​നാ​ണ് ഇ​ത്ത​രം അടിസ്ഥാനമില്ലാത്ത ​വാ​ദ​ങ്ങ​ൾ ഉ​ന്ന​യി​ക്കു​ന്ന​തെ​ന്നും ജ​യ്‌​സ്വാ​ൾ പ​റ​ഞ്ഞു.

സം​ഘ​ർ​ഷം രൂ​ക്ഷം

സാ​ധാ​ര​ണ​ക്കാ​രു​ടെ വേ​ഷ​ത്തി​ലെ​ത്തി​യ അ​ക്ര​മി​ക​ൾ ആ​ശു​പ​ത്രി​ക​ളി​ലും സ്കൂ​ളു​ക​ളി​ലും ച​ന്ത​ക​ളി​ലും ക​യ​റി വെ​ടി​യു​തി​ർ​ക്കു​ക​യാ​യി​രു​ന്നു. ജ​ന​ങ്ങ​ളെ അ​വ​ർ മ​നു​ഷ്യ​ക​വ​ച​ങ്ങ​ളാ​യി ഉ​പ​യോ​ഗി​ച്ചെന്ന് പാക് മന്ത്രി ത​ലാ​ൽ ചൗ​ധ​രി പറഞ്ഞു.
ക​ഴി​ഞ്ഞ ദി​വ​സ​ങ്ങ​ളി​ൽ ബ​ലൂ​ചി​സ്ഥാ​നി​ൽ ഉ​ണ്ടാ​യ തു​ട​ർ​ച്ച​യാ​യ ആ​ക്ര​മ​ണ​ങ്ങ​ളി​ൽ സു​ര​ക്ഷാ ഉ​ദ്യോ​ഗ​സ്ഥ​രും സാ​ധാ​ര​ണ​ക്കാ​രു​മു​ൾ​പ്പെ​ടെ 48 പേ​ർ കൊ​ല്ല​പ്പെ​ട്ടെന്ന് ബലൂച് മന്ത്രി സർഫ്രാസ് ബുഖ്ദി പറഞ്ഞു.

ബ​ലൂ​ച് ലി​ബ​റേ​ഷ​ൻ ആ​ർ​മി ആ​ണ് ആ​ക്ര​മ​ണ​ങ്ങ​ളു​ടെ ഉ​ത്ത​ര​വാ​ദി​ത്തം ഏ​റ്റെ​ടു​ത്തി​രി​ക്കു​ന്ന​ത്. ഹെ​റോ​ഫ് എന്നു പേ​രി​ട്ടി​രി​ക്കു​ന്ന ​ഓ​പ്പ​റേ​ഷ​നി​ലൂ​ടെ ഗ്വാ​ദ​ർ, ക്വ​റ്റ തു​ട​ങ്ങി പ്ര​ധാ​ന മേ​ഖ​ല​ക​ളി​ൽ സു​ര​ക്ഷാ സേ​ന​യെ ല​ക്ഷ്യം വ​ച്ചാ​ണ് ആ​ക്ര​മ​ണം ന​ട​ന്ന​ത്. അ​തേ​സ​മ​യം, തി​രി​ച്ച​ടി​യി​ൽ നൂ​റി​ല​ധി​കം വി​ഘ​ട​ന​വാ​ദി​ക​ളെ വ​ധി​ച്ച​താ​യി പാ​ക് സൈ​ന്യ​വും അ​വ​കാ​ശ​പ്പെ​ടു​ന്നു.
സ്വാ​ഭാ​വി​ക വി​ഭ​വ​ങ്ങ​ളാ​ൽ സ​മ്പ​ന്ന​മാ​ണെ​ങ്കി​ലും പാ​കി​സ്ഥാ​നി​ലെ ഏ​റ്റ​വും ദ​രി​ദ്ര​മാ​യ പ്ര​വി​ശ്യ​യാ​ണ് ബ​ലൂ​ചി​സ്ഥാ​ൻ. ദ​ശ​ക​ങ്ങ​ളാ​യി ഇ​വി​ടെ സ്വ​യം​ഭ​ര​ണ​ത്തി​നാ​യു​ള്ള പോ​രാ​ട്ട​ങ്ങ​ൾ ന​ട​ന്നുവ​രി​ക​യാ​ണ്.