വത്തിക്കാനിലെത്തിയ, പെറുവിൽ നിന്നുള്ള പഴയ സുഹൃത്തുക്കളുടെ കൂട്ടായ്മയിലേക്ക് ലെയോ പതിനാലാമൻ പാപ്പ അപ്രതീക്ഷിത സന്ദർശനം നടത്തി. റോമിൽ അദ് ലിമിന സന്ദർശനത്തിനായി ഒത്തുകൂടിയ പെറുവിയൻ ബിഷപ്പുമാർക്കിടയിലാണ് പാപ്പ എത്തിയത്. പെറുവിയൻ എപ്പിസ്കോപ്പൽ കോൺഫറൻസിന്റെ അഭിപ്രായത്തിൽ, ബിഷപ്പുമാർ ഉച്ചഭക്ഷണം കഴിക്കുന്ന വേളയിലാണ് പാപ്പ അവരോടൊപ്പം ചേർന്നത്.
“ഒരു സാധാരണ സാഹോദര്യത്തിൽ ഒത്തുചേർന്നുള്ള ഉച്ചഭക്ഷണമായിരിക്കും എന്നാണ് കരുതിയത്. എന്നാൽ, പാപ്പയുടെ വരവോടെ ഇത് ഓർമ്മ, പ്രതീകാത്മകത, ഊഷ്മളമായ സാഹോദര്യം എന്നിവയാൽ നിറഞ്ഞ ഒരു നിമിഷമായി മാറി.” ജനുവരി 29 വ്യാഴാഴ്ച, ഒരു പതിവ് ഭക്ഷണത്തെ പെറുവിലെ എപ്പിസ്കോപ്പൽ കോൺഫറൻസ് വിശേഷിപ്പിച്ചത് ഇപ്രകാരമാണ്. കൂടാതെ, അവിടെയുണ്ടായിരുന്ന പലർക്കും, അത് വളരെ വ്യക്തിപരമായ ഒരു കൂടിക്കാഴ്ചയായി മാറി. ജനുവരി 26 മുതൽ 31 വരെ നടക്കാനിരിക്കുന്ന അദ് ലിമിന അപ്പോസ്തോലോറം തീർത്ഥാടനത്തിന്റെ മധ്യത്തിലും, മാർപാപ്പയുമായുള്ള ബിഷപ്പുമാരുടെ ഔപചാരിക സദസ്സിന് ഒരു ദിവസം മുമ്പായിരുന്നു ഈ സന്ദർശനം. മാർപാപ്പ ആകുന്നതിനു മുൻപ്, ഫാ. റോബർട്ട് ഫ്രാൻസിസ് പ്രെവോസ്റ്റ് രണ്ട് പതിറ്റാണ്ടിലേറെ പെറുവിൽ ഒരു മിഷനറിയായിരുന്നു. പിന്നീട് ചിക്ലായോയിലെ ബിഷപ്പായി സേവനമനുഷ്ഠിച്ചു.
