സംസ്ഥാനത്തെ സ്വർണവിലയിൽ ചരിത്രത്തിലെ ഏറ്റവും വലിയ കുതിച്ചു ചാട്ടത്തിനാണ് ഇന്നലെ സാക്ഷ്യം വഹിച്ചത്. ഇന്നലെ രാവിലെ വൈകുന്നേരവുമായി 1.31 ലക്ഷം കടന്ന വിലയിൽ വൈകുന്നേരം 1000 രൂപയുടെ ഇളവുണ്ടായിരുന്നു. ഇതിന് പിന്നാലെയാണ് ഇന്ന് വലിയ ആശ്വാസം ഉണ്ടായിരിക്കുന്നത്. സമീപ ദിവസങ്ങളിൽ നിന്നും വ്യത്യസ്തമായി പവന് ഒരു ദിവസം കുറയുന്ന വലിയ ഇടിവാണ് ഇന്ന് വിപണിയിലുണ്ടായിരിക്കുന്നത്.
1,25,120 രൂപയാണ് ഒരു പവൻ സ്വർണത്തിന് ഇന്ന് നൽകേണ്ടത്. 15,640 രൂപയാണ് ഇന്ന് ഒരു ഗ്രാം സ്വർണത്തിന് നൽകേണ്ടത്. സ്വർണവില 1.50 ലക്ഷം തൊടുമോ എന്നാണ് ഇപ്പോഴും ആഭരണം വാങ്ങാനായി കാത്തിരിക്കുന്നവരുടെ ആശങ്ക.
കഴിഞ്ഞ ഏതാനും ദിവസങ്ങളായി സ്വർണ്ണ വിപണിയിൽ ദൃശ്യമാകുന്ന അസാധാരണമായ ഈ വർദ്ധനവ് സാധാരണക്കാരെയും വിവാഹ ആവശ്യങ്ങൾക്കായി സ്വർണ്ണം വാങ്ങാനിരിക്കുന്നവരെയും വലിയ പ്രതിസന്ധിയിലാക്കിയിരിക്കുകയാണ്. ജനുവരി മാസം ഒന്നിന് 99,040 രൂപയിൽ തുടങ്ങിയ പവൻ വില വെറും ഇരുപത് ദിവസത്തിനുള്ളിൽ പന്ത്രണ്ടായിരം രൂപയിലധികം വർദ്ധിച്ചുവെന്നത് വിപണിയിലെ അസ്ഥിരത വ്യക്തമാക്കുന്നു.
