സ്വർണ വില സർവകാല റെക്കോർഡുകളും തകർത്ത് അതിവേഗം കുതിക്കുകയാണ്. ആഗോളതലത്തിൽ വർദ്ധിച്ചുവരുന്ന രാഷ്ട്രീയ സംഘർഷങ്ങളും പുതിയ താരിഫ് ആശങ്കകളും കാരണം നിക്ഷേപകർ സുരക്ഷിത നിക്ഷേപങ്ങളിലേക്ക് തിരിഞ്ഞതോടെ തിങ്കളാഴ്ച ആഗോളതലത്തിലും ഇന്ത്യയിലും സ്വർണ്ണത്തിന്റെയും വെള്ളിയുടെയും വില പുതിയ റെക്കോർഡ് ഉയരത്തിലെത്തി .
യൂറോപ്യൻ രാജ്യങ്ങൾക്ക് മേൽ അധിക തീരുവ ചുമത്തുമെന്ന് യുഎസ് പ്രസിഡന്റ് ഡൊണാൾഡ് ട്രംപിൻറെ പ്രഖ്യാപനമാണ് വിപണിയിൽ പെട്ടെന്നുള്ള മാറ്റത്തിന് കാരണമായത്. അനിശ്ചിതത്വങ്ങൾ നിലനിൽക്കുന്ന സമയത്ത് ഏറ്റവും സുരക്ഷിതമായ നിക്ഷേപമായി സ്വർണത്തെയും വെള്ളിയെയും കാണുന്നതിനാലാണ് വിലക്കയറ്റം രൂക്ഷമാകാൻ കാരണം.
