ടാറ്റ കൺസൾട്ടൻസി സർവീസസ് (ടിസിഎസ്) തുടർച്ചയായ രണ്ടാം പാദത്തിലും ജീവനക്കാരുടെ എണ്ണത്തിൽ ഗണ്യമായ കുറവ് രേഖപ്പെടുത്തി. ഇത് ഇന്ത്യയിലെ ഐടി തൊഴിൽ വിപണി വീണ്ടും സമ്മർദ്ദത്തിലാണെന്നതിൻറെ സൂചനയാണ് നൽകുന്നത്. എന്താണ് ഇന്ത്യൻ ഐ.ടി മേഖലയിൽ സംഭവിക്കുന്നത്. എന്താണ് പ്രതിസന്ധിക്ക് കാരണം.
2026 സാമ്പത്തിക വർഷത്തിലെ മൂന്നാം പാദത്തിന്റെ അവസാനത്തിൽ, ടാറ്റ കൺസൾട്ടൻസി സർവീസസിന്റെ ആകെ ജീവനക്കാരുടെ എണ്ണം 582,163 ആണ്. സെപ്റ്റംബർ പാദത്തിൽ ഇത് 593,314 ആയിരുന്നു. 11,151 ജീവനക്കാരുടെ കുറവാണ് രേഖപ്പെടുത്തിയിരിക്കുന്നത്.
2026 സാമ്പത്തിക വർഷത്തിൽ രണ്ടാം പാദത്തിലുണ്ടായ വലിയ ഇടിവിന് ശേഷമാണ് ഈ കുറവ് സംഭവിച്ചിരിക്കുന്നത്. അന്ന് 19,755 ജീവനക്കാരെയാണ് ടിസിഎസ് കുറച്ചിരുന്നത്. 2026 സാമ്പത്തിക വർഷത്തിന്റെ ആദ്യ പാദത്തിൽ കമ്പനിയുടെ ജീവനക്കാരുടെ എണ്ണം 613,069 ൽ നിന്ന് 593,314 ആയി കുറച്ചിരുന്നു.
