കണ്ണൂർ: വാരാന്ത്യ തിരക്ക് കണക്കിലെടുത്ത് ബെംഗളൂരു കൻ്റോൺമെൻ്റ് സ്റ്റേഷനിൽ നിന്ന് കണ്ണൂരിലേക്ക് സ്പെഷ്യൽ ട്രെയിൻ പ്രഖ്യാപിച്ച് സതേൺ റെയിൽവേ. വ്യാഴാഴ്ച രാത്രിയാണ് സ്പെഷ്യൽ ട്രെയിൻ പ്രഖ്യാപിച്ചതായി റെയിൽവേയുടെ അറിയിപ്പ് വന്നത്. ടിക്കറ്റ് റിസർവേഷൻ ഇതിനോടകം ആരംഭിച്ചിട്ടുണ്ട്. ആകെ 13 സ്റ്റോപ്പുകളുള്ള ട്രെയിനിൻ്റെ ഏഴ് സ്റ്റോപ്പുകൾ കേരളത്തിലാണ്. ട്രെയിൻ ഷെഡ്യൂളും ടിക്കറ്റ് നിരക്കും അറിയാം.
ട്രെയിൻ നമ്പർ 06575 ബെംഗളൂരു കൻ്റോൺമെൻ്റ് – കണ്ണൂർ എക്സ്പ്രസ് ഇന്ന് രാത്രി 07:15 നാണ് പുറപ്പെടുക. തുടർന്ന് നാളെ രാവിലെ 08:30 ന് കണ്ണൂരിലെത്തും. ശനിയാഴ്ച പുലർച്ചെ 03:22നാണ് ട്രെയിൻ പാലക്കാട് എത്തുക. തുടർന്ന് 04:05 ഷൊർണൂർ, 04:54 തിരൂർ, 05:37 കോഴിക്കോട്, 06:18 വടകര, 06:39 തലശേരി എന്നീ സ്റ്റേഷനുകൾ പിന്നിട്ടാണ് 08:30ന് കണ്ണൂരിലെത്തുക.
മടക്കയാത്ര ട്രെയിൻ നമ്പർ 06576 കണ്ണൂർ – ബെംഗളൂരു കൻ്റോൺമെൻ്റ് എക്സ്പ്രസ് ജനുവരി 10 ശനിയാഴ്ച രാവിലെ 11:30ന് കണ്ണൂരിൽ നിന്ന് പുറപ്പെട്ട് ഞായറാഴ്ച പുലർച്ചെ 04:10ന് ബെംഗളൂരു കൻ്റോൺമെൻ്റ് സ്റ്റേഷനിലെത്തും. തലശേരി 11:48, വടകര 12:08, കോഴിക്കോട് 12:52, തിരൂർ 01:28, ഷൊർണൂർ 02:55, പാലക്കാട് 04:02 എന്നിങ്ങനെയാണ് ട്രെയിൻ കേരളത്തിലെ വിവിധ സ്റ്റേഷനുകളിലെത്തുന്ന ട്രെയിൻ.
ഒരു എസി ടു ടയർ കോച്ച്, നാല് എസി ത്രീ ടയർ കോച്ച്, എട്ട് സ്ലീപ്പർ ക്ലാസ് കോച്ച്, ആറ് ജനറൽ സെക്കൻഡ് ക്ലാസ് കോച്ച്, രണ്ട് സെക്കൻഡ് ക്ലാസ് കോച്ചുകൾ എന്നിവയാണ് സ്പെഷ്യൽ ട്രെയിനുള്ളത്. ബെംഗളൂരുവിൽ നിന്ന് കണ്ണൂരിലേക്ക് സ്ലീപ്പർ കോച്ചിന് 510 രൂപയാണ് ടിക്കറ്റ് നിരക്ക്, തേർഡ് എസിയ്ക്ക് 1355 രൂപയും സെക്കൻഡ് എസിയ്ക്ക് 1905 രൂപയും നൽകണം.
വൈകി പ്രഖ്യാപിച്ച ട്രെയിൻ സർവീസായതിനാൽ തന്നെ നിരവധി ടിക്കറ്റുകൾ ഇപ്പോഴും ബാക്കിയാണ്. സ്ലീപ്പർ ക്ലാസിൽ 233 സീറ്റുകളും 3 എ കോച്ചിൽ 167 സീറ്റുകളും 2 എ കോച്ചിൽ 24 സീറ്റുകളും നിലവിൽ ബാക്കിയുണ്ട്. നാളത്തെ കണ്ണൂർ – ബെംഗളൂരു സർവീസിന് സ്ലീപ്പർ ക്ലാസിൽ 310 സീറ്റുകളും 3 എ കോച്ചിൽ 176 സീറ്റുകളും 2 എ കോച്ചിൽ 32 സീറ്റുകളും ബാക്കിയുണ്ട്.
