27 കാരിയായ നികിത ഗോഡിഷാലയെ അമേരിക്കയിൽ വെച്ച് കൊലപ്പെടുത്തിയ പ്രതി അറസ്റ്റിൽ. കൊലപാതകത്തിന് തൊട്ടുപിന്നാലെ ഇന്ത്യയിലേക്ക് കടന്ന അർജുൻ ശർമ്മയെ ഇന്റർപോളാണ് അറസ്റ്റ് ചെയ്തത്. യുഎസ് പോലീസ് ഏജൻസികളുടെ ഏകോപനത്തോടെയാണ് പ്രതിയെ കുടുക്കിയത്. ഇതോടെ, തെലുങ്ക് യുവതിയുടെ കൊലയാളിയെ കണ്ടെത്താനുള്ള അന്താരാഷ്ട്ര തല അന്വേഷണം തമിഴ്നാട്ടിൽ അവസാനിച്ചു.
യുഎസിലെ അന്വേഷകർ ശർമ്മയുടെ അപ്പാർട്ട്മെന്റിനുള്ളിൽ നികിതയുടെ മൃതദേഹം കണ്ടെത്തിയതിന് ദിവസങ്ങൾക്ക് ശേഷമാണ് അറസ്റ്റ്. മേരിലാൻഡിലെ കൊളംബിയയിൽ താമസിക്കുന്ന നികിത ഗോഡിഷാലയെ ഡിസംബർ 31 ന് കാണാതായതായി അർജുൻ ശർമ്മ പോലീസിനോട് പറഞ്ഞിരുന്നു. എല്ലിക്കോട്ട് സിറ്റിയിൽ വെച്ചാണ് നികിതയെ അവസാനമായി കണ്ടതെന്നും അദ്ദേഹം പറഞ്ഞു.
