പാൻ കാർഡും ആധാർ കാർഡും ലിങ്ക് ചെയ്യാനുള്ള സമയപരിധി അവസാന ഘട്ടത്തിലേക്ക് കടക്കുകയാണ്. ഇനി ഒരുദിവസം മാത്രം ബാക്കി നിൽക്കുമ്പോൾ, ഇതുവരെ ലിങ്കിംഗ് പൂർത്തിയാക്കാത്തവർ ഉടൻ തന്നെ നടപടി സ്വീകരിക്കണമെന്ന് അധികൃതർ മുന്നറിയിപ്പ് നൽകുന്നു. ഇൻകം ടാക്സ് വകുപ്പ് നിർദേശിച്ചിരിക്കുന്ന നിയമപ്രകാരം, പാൻ കാർഡ് ആധാറുമായി ലിങ്ക് ചെയ്യാത്ത പക്ഷം പാൻ അസാധുവാകാൻ സാധ്യതയുണ്ട്. അങ്ങനെ സംഭവിച്ചാൽ ബാങ്കിങ്, നികുതി സംബന്ധമായ പല സേവനങ്ങളും 31ന് ശേഷം തടസ്സപ്പെടും.
ഇന്ത്യൻ നികുതി നിയമങ്ങൾ പ്രകാരം പാൻ-ആധാർ ലിങ്കിംഗ് ഇപ്പോൾ നിർബന്ധിത ആവശ്യകതയാണ്. 2025 ഏപ്രിൽ 3-ന് ആദായനികുതി വകുപ്പ് പുറപ്പെടുവിച്ച വിജ്ഞാപനമനുസരിച്ച്, 2024 ഒക്ടോബർ 1-ന് മുമ്പ് ആധാർ നമ്പർ ഉപയോഗിച്ച് പാൻ നൽകിയ വ്യക്തികൾ 2025 ഡിസംബർ 31-നകം ലിങ്കിംഗ് പ്രക്രിയ പൂർത്തിയാക്കണം.
