ബിഹാറിലെ സമസ്തിപൂർ ജില്ലയിൽ ബിഎ പരീക്ഷ എഴുതുന്നതിനിടെ ഗർഭിണിയായ വിദ്യാർത്ഥിനി പരീക്ഷാഹാളിൽ കുഞ്ഞിന് ജന്മം നൽകി. പരീക്ഷയെഴുതാനെത്തിയ വിദ്യാർത്ഥികൾക്കിടയിലും അധ്യാപകർക്കിടയിലും കോളേജ് ജീവനക്കാർക്കിടയിലും ഈ സംഭവം വലിയ അത്ഭുതമാണ് ഉണ്ടാക്കിയത്.
ശനിയാഴ്ച ജില്ലയിലെ തട്ടിയ ഗ്രാമത്തിലുള്ള ശശി കൃഷ്ണ കോളേജിലായിരുന്നു നാടകീയമായ ഈ സംഭവങ്ങൾ അരങ്ങേറിയത്. ബിഎ അവസാന വർഷ ബിരുദ വിദ്യാർത്ഥിനിയായ രവിത കുമാരി തന്റെ ഇക്കണോമിക്സ് പേപ്പർ പരീക്ഷ എഴുതുന്നതിനിടെ പ്രസവവേദന അനുഭവപ്പെട്ടതിനെ തുടർന്ന് അവിടെ വെച്ചുതന്നെ കുഞ്ഞിന് ജന്മം നൽകുകയായിരുന്നു.
