രാജ്യത്തുടനീളം നടന്നുകൊണ്ടിരിക്കുന്ന സ്പെഷ്യൽ ഇൻ്റൻസീവ് റിവിഷൻ (എസ്.ഐ.ആർ.) നടപടികൾക്കിടെ ബൂത്ത് ലെവൽ ഓഫീസർമാരുടെ (ബി.എൽ.ഒ.) ആത്മഹത്യകൾ വർധിക്കുന്നതിനിടെ തിരഞ്ഞെടുപ്പ് കമ്മീഷൻ്റെ (ഇ.സി.ഐ.) സോഷ്യൽ മീഡിയ വീഡിയോ വലിയ വിവാദമായി.
ഞായറാഴ്ച, തിരുവനന്തപുരത്ത് സംഘടിപ്പിച്ച ‘എസ്.ഐ.ആർ. ജോയാത്തണി’ൻ്റെ ഒരു ക്ലിപ്പ് ഇ.സി.ഐ. പങ്കുവെച്ചിരുന്നു. അതിൽ ബി.എൽ.ഒ.മാർ സംഗീതത്തിനൊപ്പം നൃത്തം ചെയ്യുന്നതും സൂംബ സെഷനിൽ പങ്കെടുക്കുന്നതും കാണിക്കുന്നുണ്ട്. സംസ്ഥാന ചീഫ് ഇലക്ടറൽ ഓഫീസർ രതൻ ഖേൽക്കറും ബിഎൽഒമാർക്കൊപ്പം നൃത്തം ചെയ്യുന്നതാണ് ദൃശ്യങ്ങളിൽ.
