നവംബർ 30 ന് ഉച്ചകഴിഞ്ഞ് ലെയോ പാപ്പ ലെബനനിലെത്തി. ബെയ്റൂട്ടിലെ പ്രസിഡൻഷ്യൽ കൊട്ടാരത്തിൽ ലെബനൻ പ്രസിഡന്റ്, പ്രധാനമന്ത്രി, നയതന്ത്രസേന എന്നിവരുമായി നടത്തി.
ലെബനനിലേക്കുള്ള അപ്പസ്തോലിക യാത്രയിൽ ലെയോ പതിനാലാമൻ പാപ്പ ബെയ്റൂട്ടിൽ ലെബനനിലെ സിവിൽ അധികാരികളുമായി കൂടിക്കാഴ്ച നടത്തി. അതേസമയം, രാജ്യത്തെ യുവജനങ്ങളോട് ‘പ്രതീക്ഷയുടെ ഭാഷ’ സംസാരിക്കാൻ പാപ്പ ആഹ്വാനം ചെയ്തു. രാജ്യത്തെ സമാധാനം ദിനംപ്രതി കെട്ടിപ്പടുക്കേണ്ട ‘ഒരു ആഗ്രഹവും ഒരു വിളിയു’മാണെന്നും പാപ്പ ഓർമ്മിപ്പിച്ചു.
‘സമാധാനപാലകർ ഭാഗ്യവാന്മാർ’ എന്ന തന്റെ യാത്രയുടെ കേന്ദ്രവിഷയത്തെക്കുറിച്ചുള്ള പ്രസംഗത്തിൽ, ലെബനനിലെ സമാധാനം കേവലം ഒരു അഭിലാഷമല്ലെന്നും രാജ്യത്തിന്റെ സങ്കീർണ്ണമായ സാമൂഹികഘടനയിലും തുടർച്ചയായ വെല്ലുവിളികളിലും വേരൂന്നിയ ഒരു ദൈനംദിന ആവശ്യകതയാണെന്നും പരിശുദ്ധ പിതാവ് പറഞ്ഞു. അനുരഞ്ജനം ക്ഷമയോടെയും സത്യസന്ധതയോടെയും കൂടി പിന്തുടരണമെന്നു പറഞ്ഞ പാപ്പ, നമ്മുടെ സ്വന്തം വേദനയാലും ചിന്താരീതിയാലും തടവിലാക്കപ്പെടുന്നതിനെതിരെയും മുന്നറിയിപ്പ് നൽകി.
ലെയോ പതിനാലാമൻ മാർപാപ്പ ഹാരിസയിലെ കാർമ്മലൈറ്റ് സിസ്റ്റേഴ്സ് ഓഫ് തിയോടോക്കോസ് ആശ്രമവും ഹാരിസയിൽ കർമ്മലീത്ത സഹോദരിമാരെയും സന്ദർശിച്ചു. പരിശുദ്ധ പിതാവ് ഓരോ സഹോദരിയെയും വ്യക്തിഗതമായി അഭിവാദ്യം ചെയ്യുകയും അവരെ സ്വാഗതം ചെയ്യുകയും ചെയ്തുവെന്ന് ഹോളി സീ പ്രസ്സ് ഓഫീസ് അറിയിച്ചു. സഹോദരിമാരുടെ വിളിയുടെ എളിമ, പ്രാർഥന, ത്യാഗം എന്നീ മൂന്ന് വാക്കുകളുടെ കാതലായ മൂല്യം പാപ്പ അനുസ്മരിച്ചു.
