പാലക്കാട് എംഎൽഎ രാഹുൽ മാങ്കൂട്ടത്തിലിന്‍റെ കുന്നത്തൂർ മേട്ടിലെ പാലക്കാട്ടെ ഫ്ലാറ്റിലെ പ്രാഥമിക പരിശോധന പ്രത്യേക അന്വേഷണ സംഘം പൂർത്തീകരിച്ചതായി റിപ്പോർട്ട്. സുരക്ഷാ ജീവനക്കാരുടെ മൊഴി രേഖപ്പെടുത്തിയിട്ടുണ്ട് എന്നാണ് ലഭിക്കുന്ന വിവരം.
അതേസമയം രാഹുലിനെതിരെ പരമാവധി തെളിവു ശേഖരിക്കുന്നതിനായാണ് ഇന്നലെ രാത്രി തന്നെ സംഘം പാലക്കാട് എത്തിയത് എന്നാണ് അടുത്ത വൃത്തങ്ങളിൽ നിന്നും ലഭിക്കുന്ന വിവരം. പരിശോധന പൂർത്തീകരിച്ചതിന് ശേഷം ഉദ്യോഗസ്ഥർ പാലക്കാട് ജില്ലാ ക്രൈംബ്രാഞ്ച് ആസ്ഥാനത്ത് എത്തിയിരിക്കുകയാണ്.
ജില്ലയിലെ ഉദ്യോഗസ്ഥരുമായുള്ള കൂടിയാലോചനയാണ് നിലവില്‍ ക്രൈംബ്രാഞ്ച് ആസ്ഥാനത്ത് നടക്കുന്നത് എന്നാണ് ലഭിക്കുന്ന വിവരം. അതേസമയം ബലാത്സംഗ കേസിൽ ഒളിവിലുള്ള രാഹുൽ മാങ്കൂട്ടത്തിലിനെ അറസ്റ്റ് ചെയ്യാൻ പൊലീസ് നീക്കം ആരംഭിച്ചിട്ടുണ്ട് എന്നും അടുത്ത വൃത്തങ്ങളിൽ നിന്നും സൂചനകൾ ലഭിക്കുന്നുണ്ട്.
