ഇസ്താംബൂളിലെ ലിറ്റിൽ സിസ്റ്റേഴ്‌സ് ഓഫ് ദി പുവർ സന്യാസ സഭ നടത്തുന്ന ഒരു നഴ്സിംഗ് ഹോം സന്ദർശിച്ച് ലെയോ പതിനാലാമൻ മാർപാപ്പ. “പ്രിയ സഹോദരീ സഹോദരന്മാരേ, സുപ്രഭാതം!” എന്നുപറഞ്ഞുകൊണ്ടാണ് പാപ്പാ തന്റെ സംഭാഷണം ആരംഭിച്ചത്.
“രണ്ട് ലളിതമായ ചിന്തകൾ നിങ്ങളുമായി പങ്കുവയ്ക്കാൻ ഞാൻ ആഗ്രഹിക്കുന്നു. പ്രിയ സഹോദരിമാരേ, ആദ്യത്തേത് നിങ്ങളുടെ പേരിൽ നിന്ന് പ്രചോദനം ഉൾക്കൊണ്ടതാണ്. നിങ്ങളെ ‘ദരിദ്രരുടെ ചെറിയ സഹോദരിമാർ’ എന്നു വിളിക്കുന്നു. മനോഹരമായ ഒരു പേര്, നമ്മെ ചിന്തിപ്പിക്കാൻ അനുവദിക്കുന്ന ഒന്ന്. അതെ, ദരിദ്രരെ സഹായിക്കാൻ മാത്രമല്ല കർത്താവ് നിങ്ങളെ വിളിച്ചിരിക്കുന്നത്. അവൻ നിങ്ങളെ തന്റെ ‘സഹോദരിമാർ’ ആകാൻ വിളിച്ചിരിക്കുന്നു. നമ്മെ സഹായിക്കാനും സേവിക്കാനും മാത്രമല്ല, നമ്മുടെ സഹോദരനാകാനും പിതാവ് അയച്ച യേശുവിനെപ്പോലെ തന്നെയാണ് ഇതും” – പരിശുദ്ധ പിതാവ് പറഞ്ഞു.
“കാര്യക്ഷമതയും ഭൗതികത്വവും പ്രബലമായ പല സാമൂഹിക സാഹചര്യങ്ങളിലും പ്രായമായവരോടുള്ള ബഹുമാനബോധം നഷ്ടപ്പെട്ടിരിക്കുന്നു” – തുർക്കിയിലെ തന്റെ രണ്ടാം ദിവസം ഇസ്താംബൂളിലെ ഒരു വൃദ്ധസദനം സന്ദർശിച്ച വേളയിൽ പരിശുദ്ധ പിതാവ് പറഞ്ഞു. അതുകൊണ്ട്, സാഹോദര്യത്തിന്റെ പേരിൽ, വൃദ്ധരെ സ്വാഗതം ചെയ്യുന്നതിനായി വാതിലുകൾ തുറക്കുന്ന ഈ ഭവനത്തിന് ഞങ്ങൾ ഞങ്ങളുടെ അഗാധമായ നന്ദി അറിയിക്കുന്നു. ഇത് എളുപ്പമല്ലെന്ന് നമുക്കറിയാം; ഇതിന് വളരെയധികം ക്ഷമയും ധാരാളം പ്രാർഥനയും ആവശ്യമാണ്. അതിനാൽ, ഇപ്പോൾ നമുക്ക് അവരെ അനുഗമിക്കാനും നിലനിർത്താനും കർത്താവിനോട് അപേക്ഷിക്കാം, അവന്റെ അനുഗ്രഹത്തിനായി നമുക്ക് പ്രാർഥിക്കാമെന്നും പാപ്പ കൂട്ടിച്ചേർത്തു.
