ഫേസ്ബുക്ക്, ഇൻസ്റ്റാഗ്രാം പ്ലാറ്റ്‌ഫോമുകളിലെ ഉള്ളടക്കം സംരക്ഷിക്കുന്നതിനായി മെറ്റാ ഒരു പുതിയ സവിശേഷത കൊണ്ടുവന്നിട്ടുണ്ട്. സോഷ്യൽ മീഡിയയിൽ വ്യാപകമായി കാണപ്പെടുന്ന ഉള്ളടക്ക മോഷണം തടയുന്നതിനാണ് ഈ പുതിയ സംവിധാനം.
ഒരു വ്യക്തി പോസ്റ്റ് ചെയ്യുന്ന റീലുകൾ വ്യൂസിനും ലൈക്കിനുമായി മറ്റുള്ളവർ ഉപയോഗിക്കുന്നതും, റീൽ റിയാക്ഷൻ വീഡിയോകൾ ചെയ്യുന്നതും ഇത്തരം പ്ലാറ്റ്‌ഫോമുകളിൽ സാധാരണമാണ്. ഈ മോഷണങ്ങളിൽ നിന്ന് യഥാർത്ഥ ഉള്ളടക്കത്തെ സംരക്ഷിക്കുക എന്നതാണ് പുതിയ സവിശേഷതയുടെ ലക്ഷ്യം.
പുതിയ സവിശേഷത ഉപയോഗിച്ച്, യഥാർത്ഥ റീലുകൾ യാന്ത്രികമായി സംരക്ഷിക്കപ്പെടും. ഫേസ്ബുക്കിലും ഇൻസ്റ്റാഗ്രാമിലും ഈ റീലുകളുടെ പകർപ്പുകൾ തിരയാനും കണ്ടെത്തിയാൽ നിയമനടപടി സ്വീകരിക്കാനും ഇത് സാധ്യമാക്കും.
പകർപ്പവകാശം സംരക്ഷിക്കാൻ ഉപയോഗിക്കുന്ന അതേ ‘റൈറ്റ്സ് മാനേജർ’ ആണ് ഈ പുതിയ സവിശേഷതയ്ക്ക് പിന്നിലെ സാങ്കേതികവിദ്യ. റീൽ സ്രഷ്ടാക്കൾക്ക് ഉപയോഗിക്കാൻ എളുപ്പമുള്ള രീതിയിലാണ് ഇത് സജ്ജീകരിച്ചിരിക്കുന്നത്. നിലവിൽ മെറ്റയുടെ കണ്ടന്റ് മോണിറ്റൈസേഷൻ പ്രോഗ്രാമിൽ ഉൾപ്പെട്ടതും, കണ്ടന്റ് ഉള്ളടക്കത്തിൽ ഒറിജിനാലിറ്റി മാനദണ്ഡങ്ങൾ പാലിക്കുന്നതുമായ ക്രിയേറ്റർമാർക്കാണ് ആദ്യ ഘട്ടത്തിൽ ഈ ഫീച്ചർ ലഭ്യമാവുക.
