ശബരിമല സ്വർണക്കൊള്ളയ്ക്ക് പിന്നിൽ മുഖ്യമന്ത്രി പിണറായി വിജയന്റെ ‘ടച്ച്’ ഉണ്ടെന്നും കോൺഗ്രസ് പ്രവർത്തക സമിതി അംഗം കെ സുധാകരൻ എംപി ആരോപിച്ചു. കണ്ണൂരിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
ശബരിമല സ്വർണക്കൊള്ളയിൽ കൂടുതൽ പേർ പിന്നിലുണ്ട്. അതും ഉടൻ പുറത്തുവരും. ഹൈകോടതിയുടെ മേൽനോട്ടം ഉള്ളതുകൊണ്ടാണ് അന്വേഷണം പത്മകുമാറിൽ എത്തിയത്. ഈ കൊള്ളയ്ക്ക് പ്രേരിപ്പിച്ചത് പിണറായി വിജയന്റെ ബന്ധവും ഉറപ്പുമാണ് കെ സുധാകരൻ എംപി പറഞ്ഞു.
ഈ കാര്യത്തിൽ എം വി ഗോവിന്ദൻ മാസ്റ്റർക്ക് മറുപടിയില്ല. ‘ബ്ല ബ്ല’ സംസാരിക്കുന്ന ആളാണ് ഗോവിന്ദൻ മാഷ്. അഴിമതി സിപിഎമ്മിന്റെ അജണ്ടയാണ്. അഴിമതിയില്ലാത്ത എന്ത് കാര്യമാണ് പിണറായി സർക്കാരിനുള്ളതെന്നും കെ സുധാകരൻ എംപി ചോദിച്ചു.
