ചെങ്കോട്ട സ്ഫോടനവുമായി ബന്ധപ്പെട്ട അന്വേഷണിൽ അൽ-ഫലാഹ് സർവകലാശാലയുമായി ബന്ധപ്പെട്ട ഡൽഹിയിലെയും ഫരീദാബാദിലെയും 25 സ്ഥലങ്ങളിൽ എൻഫോഴ്‌സ്‌മെൻ്റ് ഡയറക്ടറേറ്റ് (ഇഡി) റെയ്ഡ് നടത്തുന്നു. ചെങ്കോട്ട ബോംബ് സ്‌ഫോടകനായ ഡോ. ഉമർ ഉൻ നബിയും ജെയ്‌ഷെ മുഹമ്മദ് (ജെ.ഇ.എം) യുമായി ബന്ധപ്പെട്ട “വൈറ്റ് കോളർ” ഫരീദാബാദ് ഭീകര സംഘടനയിൽ പ്രതികളായ മറ്റുള്ളവരും സർവകലാശാലയും ഉൾപ്പെട്ട സാമ്പത്തിക ക്രമക്കേടുകൾക്കെതിരെ അന്വേഷണ ഏജൻസി പി.എം.എൽ.എ കേസ് രജിസ്റ്റർ ചെയ്തിട്ടുണ്ട്.
സർവകലാശാല ചെയർമാൻ ജാവേദ് അഹമ്മദ് സിദ്ദിഖിയെയും ഇഡി അദ്ദേഹത്തിൻ്റെ വസതിയിൽ ചോദ്യം ചെയ്യുന്നു. പുലർച്ചെ 5 മണിയോടെ ആരംഭിച്ച റെയ്ഡുകൾ നിലവിൽ ഡൽഹിയിലെ സർവകലാശാലാ ആസ്ഥാനത്തും ഇൻസ്റ്റിറ്റ്യൂട്ടിന്റെ ട്രസ്റ്റിമാരുടെ ഓഫീസുകളിലും പുരോഗമിക്കുകയാണ്. സർവകലാശാലാ ട്രസ്റ്റികൾക്ക് നേരെയും റെയ്ഡ് നടക്കുന്നുണ്ടെന്ന് വൃത്തങ്ങൾ അറിയിച്ചു.
