സംസ്ഥാനത്തെ സ്വർണവിലയിൽ ഇന്ന് വൻ ഇടിവ്. ഇന്നലെ രാവിലെ 80 രൂപയുടെ നേരിയ കുറവുണ്ടായ വിലയിൽ വൈകുന്നേരം 360 രൂപയുടെ വർദ്ധനവ് രേഖപ്പെടുത്തിയിരുന്നു. എന്നാൽ ഇന്ന് 1280 രൂപയാണ് പവന് കുറഞ്ഞിരിക്കുന്നത്. സമീപകാലത്തെ ഏറ്റവും വലിയ ഇടിവാണിത്.
90,680 രൂപയാണ് ഇന്ന് ഒരു പവൻ സ്വർണത്തിൻ്റെ വിപണി വില. 11,335 രൂപയാണ് ഒര ഗ്രാം സ്വർണത്തിന് ഇന്ന് നൽകേണ്ടത്.
പണിക്കൂലി, ജിഎസ്ടി, ഹോള്‍ മാര്‍ക്കിങ് ഫീസ് എന്നിവ കൂടി ചേർത്ത് ഒരു പവന്റെ ആഭരണത്തിന് വൻ വില നൽകേണ്ട സ്ഥിതിയാണ്. സ്വര്‍ണാഭരണത്തിന്റെ കുറഞ്ഞ പണിക്കൂലി 5 ശതമാനമാണ്. ഓരോ ദിവസം കഴിയുന്തോറും സ്വർണവിലയിൽ മാറ്റമുണ്ടോ എന്ന് ഉറ്റ് നോക്കുകയാണ് സാധാരണക്കാർ.
