പുറത്താക്കപ്പെട്ട പ്രധാനമന്ത്രി ഷെയ്ഖ് ഹസീനയ്‌ക്കെതിരായ ഇൻ്റർനാഷണൽ ക്രൈംസ് ട്രൈബ്യൂണലിൻ്റെ (ICT) വിധിയിൽ ബംഗ്ലാദേശി എഴുത്തുകാരിയും പ്രവാസി സാഹിത്യകാരിയുമായ തസ്‌ലീമ നസ്രിൻ രൂക്ഷമായി വിമർശനം ഉന്നയിച്ചു.
ഷെയ്ഖ് ഹസീനയെ കുറ്റവാളിയായി കണക്കാക്കുമ്പോൾ, ചീഫ് അഡ്വൈസർ മുഹമ്മദ് യൂനുസിനെയും അദ്ദേഹത്തിൻ്റെ “ജിഹാദി ശക്തികളെയും” എന്തുകൊണ്ട് കുറ്റവാളിയായി കാണുന്നില്ല എന്നും അവർ ചോദിച്ചു.
കഴിഞ്ഞ വർഷത്തെ വിദ്യാർത്ഥി പ്രക്ഷോഭത്തിനിടെ നിരവധി പേർ കൊല്ലപ്പെട്ടതുൾപ്പെടെയുള്ള മനുഷ്യാവകാശങ്ങൾക്കെതിരായ കുറ്റങ്ങൾക്ക് ഷെയ്ഖ് ഹസീനയ്ക്ക് വധശിക്ഷ വിധിച്ചുകൊണ്ട് ഐസിടി തിങ്കളാഴ്ച സുപ്രധാന വിധി പ്രഖ്യാപിച്ചിരുന്നു. ഈ പ്രക്ഷോഭങ്ങളാണ് അവരുടെ സർക്കാരിൻ്റെ പതനത്തിലേക്ക് നയിച്ചത്.
