മുംബൈയിൽ നിന്ന് കൊൽക്കത്തയിലേക്ക് പോയ സ്പൈസ് ജെറ്റ് വിമാനം അടിയന്തരമായി ലാൻഡിംഗ് നടത്തി. എഞ്ചിനുകളിൽ ഒന്നിന് സാങ്കേതിക തകരാർ സംഭവിച്ചതിനെ തുടർന്നാണ് ഞായറാഴ്ച രാത്രി അടിയന്തരമായി ലാൻഡിംഗ് നടത്തിയതെന്ന് വിമാനത്താവള അധികൃതർ സ്ഥിരീകരിച്ചു.
എസ്ജി 670 എന്ന വിമാനം നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തിൽ സുരക്ഷിതമായി ലാൻഡ് ചെയ്തു. രാത്രി 11:38 ന് പൂർണ്ണ അടിയന്തരാവസ്ഥ പിൻവലിച്ചുവെന്ന് അധികൃതർ അറിയിച്ചു. എല്ലാ യാത്രക്കാരും ജീവനക്കാരും സുരക്ഷിതമായി ഇറങ്ങി. ആർക്കും പരിക്കില്ലെന്നാണ് അധികൃതർ വ്യക്തമാക്കിയത്.
