പാലക്കാട് ചിറ്റൂർ റോഡിലുണ്ടായ വാഹനാപകടത്തിൽ മൂന്ന് യുവാക്കൾക്ക് ദാരുണാന്ത്യം. കാട്ടുപന്നി കുറുകെ ചാടിയതോടെ കാർ നിയന്ത്രണംവിട്ട് മരത്തിലിടിച്ച് പാടത്തിലേക്ക് മറിയുകയായിരുന്നു. പാലക്കാട് സ്വദേശികളായ രോഹൻ രഞ്ജിത് (24), രോഹൻ സന്തോഷ് (22), സനൂജ് (19) എന്നിവരാണ് മരിച്ചത്. കൂടെയുണ്ടായിരുന്ന ഋഷി (24), ജിതിൻ (21) എന്നിവർക്ക് പരിക്കേറ്റു, ഇവർ ചികിത്സയിലാണ്.
ഇന്നലെ രാത്രി ഏകദേശം 11 മണിയോടെയായിരുന്നു അപകടം . ചിറ്റൂരിൽ നിന്ന് പാലക്കാട്ടേക്ക് മടങ്ങിയെത്തുന്നതിനിടെയാണ് കൊടുമ്പ് കല്ലിങ്കൽ ജംഗ്ഷനിൽ അപകടം സംഭവിച്ചത്. കാട്ടുപന്നിയെ ഒഴിവാക്കാനായി കാർ വെട്ടിച്ചപ്പോഴാണ് നിയന്ത്രണംവിട്ട് മൈൽക്കുറ്റിയിലൂടെയും മരത്തിലൂടെയും ഇടിച്ച് പാടത്തിലേക്ക് മറിഞ്ഞത്. സുഹൃത്തുക്കളായ ഇവർ ആറുപേർ ആഴ്ചാവസാനങ്ങളിൽ പാലക്കാട്ടെത്തി യാത്ര പോകുന്നത് പതിവായിരുന്നു.
