ഡൽഹിയിലെ ദ്വാരകയിലുള്ള രണ്ട് സ്കൂളുകൾക്കും ഒരു കോളേജിനും തിങ്കളാഴ്ച രാവിലെ ഇ-മെയിൽ വഴി ബോംബ് ഭീഷണി ലഭിച്ചു. ഡൽഹി പബ്ലിക് സ്കൂളാണ് ഭീഷണി ലഭിച്ച സ്കൂളുകളിൽ ഒന്ന്.
രാവിലെ 7:24-ന് ബോംബ് ഭീഷണിയെക്കുറിച്ച് ഫയർഫോഴ്സിന് വിവരം ലഭിച്ചു. ഇതിന് പിന്നാലെ ഡൽഹി പോലീസും, ബോംബ് സ്ക്വാഡും, ഡോഗ് സ്ക്വാഡും സ്ഥലത്തെത്തി പരിശോധന ആരംഭിച്ചു.
മുൻകരുതലെന്ന നിലയിൽ ഡി.പി.എസ് ദ്വാരകയിലെ അധികാരികൾ വിദ്യാർത്ഥികളെയും ജീവനക്കാരെയും വേഗത്തിൽ ഒഴിപ്പിച്ചതായി വാർത്താ ഏജൻസിയായ പി.ടി.ഐ റിപ്പോർട്ട് ചെയ്തു.
